एमाले अध्यक्ष केपी ओलीले आफू देशको जुनसुकै स्थानमा जानसक्ने भन्दै सकारलाई रोकेर देखाउन चुनौती दिएका छन्।

शनिबार पार्टी केन्द्रीय कार्यालय च्यासलमा आयोजित चियापान कार्यक्रमलाई सम्बोधन गर्दै ओलीले उपत्यका नछोड्न गरिएको सरकारी उर्दीप्रति आपत्ति जनाउँदै मनलाग्दी नगर्न चेतावनी दिए।

‘चुनाव गराउने रे? झापा मेरो घर जलाइयो, जान नपाउने। साँगा कटेर जान नपाउने रे,’ ओलीले भने, ‘म नेपाल सरहदभित्र जतिबेर आवश्यकता छ त्यतिबेर जान्छु। के कानुनले समाउँछ, के कानुनले थुन्छ? कुन लोकतन्त्रले थुन्छ मलाई थाहा छ। जथाभावी गर्ने? मनपरी गर्ने?’

ओलीले थपे, ‘मौखिक आदेशले जे पनि गर्छ? हदबन्दी गर्ने। दलहरूलाई चुनावमा जान नदिने। अनि फागुन २१ मा चुनाव गर्ने? वाह!’

ओलीले जेलभित्र बसेर पनि देशमै संघर्ष गरेको दाबी गर्नै आफूहरू कमजोर हुतिहारा नभएको जिकिर गरे।