मेडिकल व्यवसायी दुर्गा प्रसाईंले प्रधानमन्त्री सुशीला कार्कीले जेनजीहरूसँगको वार्तामा पूरै समय खेर फालिरहेको टिप्प्णी गरेका छन्।

बुधबार मानवअधिकार आयोगका अध्यक्षसँगको वार्तापछि सञ्चारकर्मीहरूसँग कुराकानी गर्दै उनले पाँच हजार जेनजीहरू अहिले मन्त्रीबन्ने लाइनमा रहेको भन्दै जेनजीसँग वार्ता मिलाउँदा मिलाउँदै  प्रधानमन्त्रीको टाईमपास भइरहेको बताए।

उनले भने, ‘अहिलेको सरकारको हालत के छ थाहा छ? पाँच हजार जेन–जीहरू अहिले मन्त्री बन्न लाइनमा छन्। जेन–जीसँग वार्ता मिलाउँदा मिलाउँदै अहिले प्रधानमन्त्रीको टाईमपास भइरहेको छ। बसेर उठ्न नसक्ने हालत प्रधानमन्त्रीको छ।’

त्यस्तै उनले बालेन साहले अहिले दुर्गा प्रसाईंलाई पक्राउ गर्नुपर्छ भन्दै हिडेको भन्दै ‘एकदिन जोगाइदिनुपर्‍यो’ भनेर बालेन आफ्नो शरणमा आउने दाबी गरे।

‘बालेन साहले अहिले दुर्गा प्रसाईलाई खेद्दै हुनुहुन्छ, पक्राउ गर्नुपर्यो भन्दै हुनुहुन्छ। यो बालेनको मात्र देश हो? हाम्रो होइन? जे पनि राम्रो कुरा बालेनले घरबाट ल्याएर बनाएको भन्ने खालको नारा फिजाउँदै हिडेका छन्। बालेनपनि एकदिन मेरो घरमा आउनुपर्छ मलाई जोगाइदिनुहोस् भनेर।’ 

त्यस्तै, उनले आगामि मंसिर ७ गतेदेखि हुने व्यवस्था परिवर्तनको आन्दोलनमा कुनै किसिमको अराजक गतिविधि नहुने पनि जानकारी दिए।