नेपाल प्रिमियर लिग (एनपीएल)को आजको खेलमा लुम्बिनी लायन्सले चितवन राइनोजलाई ६ विकेटले पराजित गरेको छ।

चितवनले दिएको १४३ रनको लक्ष्य पछ्याएको लुम्बिनीले १८ ओभर ३ बलमा ४ विकेट गुमाएर पूरा गर्‍यो।

लुम्बिनीका लागि गुल्बादिन नइबले सर्वाधिक अविजित ४४ रन बनाए। कप्तान रोहित पौडेल ३९, सन्दीप जोराले २८, डार्सी सर्ट ११, दीलिप नाथ १० रन जोडे। 

बलिङमा चितवनका रिजन ढकालले २ र सोहिल तन्विरले एक विकेट लिए।

त्यसअघि टीयु क्रिकेट मैदानमा टस हारेर ब्याटिङको निम्तो पाएको चितवनले निर्धारित २० ओभरमा ७ विकेट गुमाउँदै १४२ रन बनाएको थियो। 

चितवनका लागि रवि बोपाराले सर्वाधिक ६५ रन बनाए। कप्तान कुशल मल्ल २१, सैफ जैब १५, दीपक बोहरा १० रन बनाए।

बलिङमा लुम्बिनीका रुवेन ट्रम्पेल्मेनले सर्वाधिक ३ विकेट लिए। अभिषेश गौतम र गुल्बादिन नइबले दुईदुई विकेट लिए।