यूएई र नेपालबीचको दुई खेलको टी–२० आई सिरिज १–१ को बराबरीमा सकिएको छ। 

मंगलबार भएको दोस्रो खेलमा नेपालले यूएईलाई ८ विकेटले पराजित गर्दै सिरिज बराबरी गरेको हो।

यूएईले दिएको १२९ रनको लक्ष्य नेपालले १५.५ ओभरमा २ विकेट गुमाएर पूरा गर्‍यो।

नेपालको जितमा ओपनर कुशल भुर्तेल ५७ बलमा १२ चौका र २ छक्का प्रहार गर्दै ८४ रनमा अविजित रहे। यस्तै, दीपेन्द्र सिंह ऐरीले २३ रन बनाउँदा कुशल मल्लले १९ रन जोडे। सन्तोष यादवले १ रन बनाए।

बलिङतर्फ यूएईका निलान्स केशवानी र मुहम्मद अर्फानले एक–एक विकेट लिए।

त्यसअघि कीर्तिपुरस्थित त्रिवि क्रिकेट मैदानमा टस हारेर बहिले ब्याटिङ थालेको यूएईले २० ओभरमा ८ विकेट गुमाएर १२८ रन बनाएको थियो।

यूएईका लागि अक्षदीप नाथले ५३ रन बनाउँदा मुहम्मद अर्फानले ३२ तथा अदीव उस्मानीले ३० रन जोडे।

बलिङतर्फ नेपालका सन्दीप लामिछानेले तीन तथा लागि हेमन्त धामीले दुई विकेट लिए भने नन्दन यादव र साहब आलमले समान एक–एक विकेट लिए।

यसअघि सोमबार वर्षाले १० ओभरमा झारिएको पहिलो खेलमा नेपाल यूएईसँग ६ विकेटले पराजित भएको थियो।