च्याम्पियन्स लिग फुटबलमा लण्डन क्लब चेल्सीले भ्यालेन्सियासँग अंक बाँडेको छ।
बुधबार राति समूह एचको खेलमा चेल्सीले भ्यालेन्सियासग २–२ गोलको बराबरी खेल्दै अंक बाँडेको हो।
भ्यालेन्सियाका लागि कार्लोस सोलर र ड्यानियल वासले एक एक गाृल गरे। यता चेल्सीको लागि क्रिस्टियन पुलिसिस र माटेव कोभासिसले गाृल गरे।
भ्यालेन्सियाले ४० औ मिनेटमा सोलरको गोलबाट अग्रता लिएको थियो। लगत्तै अर्को मिनेटमा चेल्सीका माटेव कोभासिसले गोल गर्दै चेल्सीलाई खेलमा फर्काएका थिए ।
पुलिसिसले ५० औ मिनेटमा गोल गर्दै चेल्सीलाई २–१ मा ल्याए।
दोस्रो हाफमा किपा अरियाजबलागाले ड्यानियल परेजोको पेनाल्टी रोक्दै चेल्सीको अग्रतालाई जोगाउने काम गरेका थिए ।
खेल सकिन ८ मिनेट बाँकी छदाँ ड्यानियल वासले गोल गर्दै चेल्सीसँग अंक बाढ्यो।
बराबरीको नतिजासँगै चेल्सी ८ अंक सहित तेस्रो स्थानमा छ।
भ्यालेन्सिया समान अंक भएपनि दोस्रो स्थानमा छ। डच क्लब अजाक्स १० अंक सहित शीर्ष स्थानमा छ।
अन्तिम खेलेनै चेल्सीको नकआउट चरण यात्राको टुङ्गो लगाउनेछ।
