चलचित्र ‘हिरो रिटर्न्स’को ट्रेलर सार्वजनिक भएको छ । सार्वजनिक ट्रेलरमा चलचित्रका मुख्य कलाकार रेखा थापा, सविन श्रेष्ठ र दिल श्रेष्ठ, सरोज खनाललाई देखाइएको छ ।
३ मिनेट लामो ट्रेलरमा एक्सन, प्रेम र विछोडको कथालाई समेटिएको छ । रेखा र सविनको एक्सनलाई ट्रेलरमा विशेष स्थान दिइएको छ ।
पटक–पटक सर्दै आगामी बैशाख २६ गते प्रदर्शन मिति तय गरिएको यो चलचित्रलाई आशिष भेटवालले निर्देशन गरेका हुन् । शिवम अधिकारीले लेखेको चलचित्रमा कास्यप घिमिरेको छायांकन तथा मित्र डि गुरुङको सम्पादन रहेको छ ।
चलचित्रमा दीपक शर्मा र टंक बुढाथोकीको संगीत, कविराज गहतराजले कोरियोग्राफी तथा चन्द्र पन्तको द्वन्द्व निर्देशन रहेको छ ।
