आफ्नैबाट त्रसिँदैछन् स्थानीय, राति पुर्‍याइन्छ क्वारेन्टिनमा

पुष्पराज जोशी

मसुरियाका दिनेश जोशी बिहीबार भारतको हरिद्वारबाट फर्कदै थिए । उनलाई उनका दाजुले मोबाइलमा फोन गरेर सम्झाउँदै थिए,‘घर नआउनू, त्यतैबाट नगरपालिकाले बनाएको क्वारेन्टिनमा जानू ।’ उनले दाजुको आदेशमा चित्त दुखाउँदै भने,‘यत्रो समयमा परदेशबाट फर्कदै छु, घर नपुगेर सिधै क्वारेन्टिनमा जानू भन्नु भयो, ठीकै छ त्यसै गरौला ।’ बिहीबार बिहानै सीमानाका गौरीफन्टा पुगेका उनसँगै गौरीगंगाका सबैलाई नगरपालिकाले बेलुकी टिप्पर लिएर सबैलाई गोलमटोल गर्दै लादेर लग्यो ।  

उनीमात्रै हैनन्, भारतबाट स्वदेश फर्कने जति सबैका परिवारहरु अहिले चिन्तित छन् । ‘धेरै समयपछि आफन्त स्वदेश फर्केका छन्, तर उनीहरुलाई भेटघाट गर्न नपाउँदै सिधै क्वारेन्टिनमा पठाउनु परेको छ,’ अर्का स्थानीय भोजबहादुर मन्नीले भने,‘अहिले गाउँमा विदेशबाट आउने आफन्तकै त्रासमा स्थानीय छन् ।’  

प्रकाशित मिति: : 2020-05-22 21:57:02

प्रतिकृया दिनुहोस्