रुकुमको मुसिकोट नगरपालिका–१४ स्थित छिवाङ ज्युउलामा रहेको अस्थायी प्रहरी चौकी तोडफोडमा संलग्न वडाध्यक्षसहित ३ जना पक्राउ परेका छन्।
बुधबार मुसीकोट नगरपालिका–१३ का वडाध्यक्ष दिपक केसीसहित राजन केसी र खिलराज गिरीलाई प्रहरीले पक्राउ गरेको हो।
मंगलबार साँझ मादकपदार्थ सेवन गरेका वडाअध्यक्ष केसीले २५ जनाको युवा समूह लिएर तोडफोड गरेका थिए। तोडफोड पछि उनीहरु फरार भएका थिए।
घटनामा संलग्न ६ जनाको खोजी भइरहेको जिल्ला प्रहरी प्रमुख डीएसपी ठगबहादुर केसीले बताए।
उनका अनुसार अभद्र व्यवहार गरेको आरोपमा थप अनुसन्धानका लागि जिल्ला प्रशासन कार्यालयबाट बुधबार १० दिनको म्याद थप गरिएको छ।
