कोरोना महामारीका कारण रोकिएको नेपाली खेलकुद सुरु गर्न खेलसम्बद्धहरु तयारीमा लागेका छन्। सरकारको अनुमतिसँगै भदौ १ देखि खेलकुद चलायमान हुने देखिन्छ। तर संक्रमितको संख्या बढिरहेको अहिलेको समयमा मैदान फर्कन सहज भने देखिँदैन। 

नेपालमा चैतदेखि रोकिएका खेलकुदको अभ्यास भएको छैन। धेरै कुरा सामान्य अवस्थामा फर्काउने पहल भइसक्दा पनि खेलकुदमाथिको विचार पर्याप्त थिएन। अहिले भने भदौ १ को लक्ष्य राखेर संघहरु लागिपरेका छन्। लामो समयपछि मैदान फर्कन खेलाडीहरुमा उत्साह त छाएको छ, तर त्योसँगै कोरोनाको डर पनि सकिएको छैन।