स्थानीय निर्वाचनले मुलुकलाई छ्याप्पै छोपिसकेको छ । राजनीतिक पार्टीदेखि सरोकारवाला निकाय, उद्योगी व्यवसायी तथा व्यापारीहरु समेत यतिखेर चुनाव केन्द्रित गतिविधिमा होमिएका छन् । जसले गर्दा यतिखेर पालिकाहरुमा निर्वाचनको मत परिणाम जोड–घटाउको मात्र हिसावकिताव भइरहेको छैन, निर्वाचनले ल्याउन सक्ने समग्र आर्थिक प्रभावलाई समेत लिएर वहस हुन थालेको छ । 

उसो त निर्वाचनले बढाउने स्थानीय बजारको आर्थिक गतिविधि, तरलता प्रवाह, व्यक्तिको अवस्थामा ल्याउने परिवर्तनसँगै पुनः मुलुकको सिंगो अर्थतन्त्रमा पार्न सक्ने प्रभावलाई नजिकबाट नियाल्न थालिएको छ । मुलतः निर्वाचनपछि फेरिने राजनीतिक समिकरणसँगै यसले मुलुकको अर्थतन्त्रमा कस्तो प्रभाव पार्न सक्छ त ? सर्वत्र चर्चाको विषय बनेको छ ।