नेपालगन्ज–कोहलपुर सडक खण्ड अन्तर्गत गोच्छानेर सडक छेउमा एउटा सानो टहरा छ।
जुन टहरा, चार वटा बाँसका खम्बाले अडेस लागेको छ भने जस्तापाता (टिन) ले ढाकिएको छ। भित्ता बनाइएको छैन। हावा आउँदा न हावा छेक्छ न त वर्षामा पानी नै छेकिन्छ। मात्र सूर्यको किरण थोरै भए पनि छेक्छ। टहरालाई अडेस दिएको एउटा बाँसको खम्बामा सुरक्षाका लागि कुकुर बाँधिएको छ। त्यसमा ६९ वर्षीय दिवानाथ सिग्देल, श्रीमती गोमा र दुई छोराले आश्रय लिएका छन्।
