जाजरकाेट केन्द्रबिन्दु भएर राति ११:४७ बजेयता पाँचपटक भूकम्प गएकाे छ।
राष्ट्रिय भूकम्प मापन तथा अनुसन्धान केन्द्रकाअनुसार शुक्रबार राति ११:४७ बजे पहिलाेपटक ६.४ रेक्टरकाे भूकम्प गएकाे थियाे। जसबाट अहिलेसम्म करिक १ सय ४० जनाकाे मृत्यु हुनुका साथै सयाैँ घाइते भएका छन्।
उक्त विनाशकारी भूकम्पपछि जाजरकाेट नै केन्द्रबिन्दु भएर थप चार वटा भूकम्प गएका छन्।
केन्द्रकाअनुसार जाजरकाेट केन्द्रबिन्दु भएर दाेस्राेपटक शनिबार बिहान १:०८ बजे ४.५ रेक्टर, त्यसकाे २१ मिनेटपछि १:२९ बजे तेस्राेपटक ४.२ रेक्टर स्केलकाे भूकम्प गएकाे थियाे।
त्यस्तै त्यसकाे ६ मिनेटपछि ४.३ रेक्टर तथा बिहान ४ : १६ बजे ४.६ रेक्टर स्केलकाे भूकम्प गएकाे थियाे।
भूकम्पबाट जाजरकाेट र रुकुम पश्चिममा ठुलाे क्षति भएकाे छ। सरकारले अहिले राहत तथा उद्दार कार्यकाे लागि सबै संयन्त्र परिचालन गरेकाे छ।
