कविता

पर्छाई 

Breaknlinks
Breaknlinks

तिमी मेरो आँट हौ,
तिमी मेरो शक्ति हौ तर तिम्रो अगाडि पर्दा म निर्बल नबनम
तिमी प्रष्ट छौ,
तिमी बुझकी छौ तर तिम्रो अगाडि पर्दा म अज्ञानी नबनम
तिमी अरुलाई सुझाउछाै,
तिमी अरुलाई जगाउछाै तर तिम्रो अगाडि पर्दा म आफैँलाई नगुमाम
तिमी बलिरहेको दियो हौ,
तिमी चम्किरहेको सूर्य हौ तर तिम्रो अगाडि पर्दा म भष्म नबनम
तिमी मेरो सुरु हौ,
तिमी मेरो अन्त्य हौ तर तिम्रो अगाडि पर्दा म आफ्नो यात्रा नभुलम
तिमी शितल छहारी हौ,
तिमी सलल बग्ने गंगा हौ तर म प्रचण्ड गर्मीमा पनि पानीमा नडुबम
तिमी मेरो प्रेरणा हौ,
तिमी मेरो विश्वास हौ तर तिम्रो अगाडि पर्दा म मेरो आत्मविश्वास नगुमाम
तिमी फूल हौ,
तिमी सुगन्ध हौ तर म भमरा भई जाँदा काँडाले डसेर घाइते नबनम
तिमी प्रकाश हौ,
तिमी ज्योती हौ तर तिम्रो अगाडि पर्दा म नेत्रहीन नबनम
तिमी ओखती हौ, 
तिमी सञ्जिवनी बुटी हौ तर तिम्रो अगाडि पर्दा म रोगी नबनम
तिमी मेरो सहारा हौ,
तिमी मेरो धरोहर हौ तर तिम्रो अगाडि पर्दा म बिचरा नबनम
तिमी मेरो ध्वनी हौ,
तिमी मेरो आवाज हौ तर तिम्रो अगाडि पर्दा म नि:शब्द नबनम
तिमी मेरो शान्ति हौ,
तिमी मेरो सुरक्षा हौ तर तिम्रो अगाडि पर्दा म भयवित नबनम 
त्यसैले त प्रिय तिमी मेरो पर्छाई हौ!!!

डेंगीले छेक्न नसकेको बिहे

प्रकाशित मिति: : 2024-03-02 14:00:00

प्रतिकृया दिनुहोस्

    उत्कृष्ट

    • 2 महिना अगाडि
    • Subita

    So sweet❤️❤️

    • 2 महिना अगाडि
    • Sheela Sharma