दुई साथी मिलेर बजारमा ‘डिजिटल मास्टरी नेपाल’ सञ्चालनमा ल्याएका छन्। 

फेसबुक, इन्स्ट्राग्राम, टिकटकलगायत वेब–साइडहरूलाई उकास्नका लागि डिजिटल मास्टरी नेपाल आइतबारदेखि औपचारिक रुपमा सुरु भएको हो। 

‘डिजिटल मार्केटिङ’ सम्बन्धि सात वर्षको अनुभव बटुलेर उक्त कम्पनीको सुरुवात सह–संस्थापक प्रज्ञा काफ्ले र सह–संस्थापक पुर्ण भण्डारीले गरेका हुन्।

अनलाइन हुँदै भौतिक तालिम दिन थालेको डिजिटल मास्टरी नेपालले कुनैपनि वेब–साइडलाई उत्कृष्ट बनाउनका साथै ‘भिजिटर’ पनि बढाउने सह–संस्थापक पुर्ण भण्डारीले बताए। 

उनका अनुसार  डिजिटल मास्टरी नेपालले अनलाइन सम्बन्धि पनि व्यापार–व्यवसाय बढाउन मदत गर्दछ।

‘अहिले अधिकांश कामहरू अनलाइनमा हुने गरेको छ, त्यसैले हाम्रो कम्पनीको मुख्य लक्ष्य भनेकै धेरैभन्दा धेरै मानिसहरूलाई डिजिटल मार्केटिङमा आवद्ध गराएर सेवा दिनु हो’, उनले भने, ‘हामीले हाम्रा क्लाइन्टहरूलाई डिजिटल मार्केटिङसँगै एसईओको तालिम पनि दिने गरेका छौं। यसले बेव–साइडलाई अगाडि बढाउने गर्छ।’

अहिलेसम्म  डिजिटल मास्टरी नेपालले पाँच हजारभन्दा बढीलाई तालिम दिइसकेको छ।