गत अप्रिल २२ गते। जम्मु–कश्मिरस्थित पहलगाममा आंतकवादीहरूको आक्रमणबाट एक नेपालीसहति २६ जनाको मृत्यु भयो। 

पाकिस्नतानसँग सम्बन्धित रहेको लश्कर ए तैयबाले गरेको आक्रमणको जवाफमा भारतले पाकिस्तानमाथि आक्रमण गर्यो। 

भारतले पाकिस्तानका ९ स्थानहरूलाई निशाना बनाएर हमला गर्यो। त्यही आक्रमण नाम भारतले ‘अप्रेशन सिन्दूर’ राख्यो। 

भारतले अप्रेशनको नाम सिन्दूर राखेसँग अहिले बलिउड इन्डस्ट्रीमा पनि खैलाबैला मच्चिएको छ। फिल्मको ‘टाइटल’ राख्न। 

बलिउड हंगामाको रिर्पोट अनुसार महावीर जैनको कम्पनीले सबैभन्दा अगाडि सिन्दूर टाइटललाई दर्ता गराए।

यसपछि, टी(सिरीज, जी स्टुडियो, र निर्देशक मधुर भण्डारकर र अशोक पण्डित जस्ता फिल्म निर्माताहरू पनि दौडमा सामेल भए।

पश्चिमी भारत सिने कर्मचारी महासंघका अध्यक्ष बी.एन. तिवारीले १५ भन्दा बढी आवेदन प्राप्त भएको र शीर्षकको छिट्टै निर्णय गरिने बताए।

यो दौडले बलिउडको परम्परालाई प्रतिबिम्बित गर्दछ, जहाँ उरीः द सर्जिकल स्ट्राइक र शेरशाह जस्ता देशभक्तिपूर्ण र सैन्य एक्सन फिल्महरूले दर्शकहरूको मन जितेका छन्।

बलिउडको उत्साह र सिनेमा सम्भावना

यस अप्रेशनमा फिल्म बनाउने उत्साह बलिउडमा चरम सीमामा छ। मधुर भण्डारकर जस्ता निर्देशकहरूले यसलाई देशभक्ति र मानवीय कथाको मिश्रण बनाउन चाहन्छन्।

बोर्डर (१९९७) र राजी (२०१८)जस्ता चलचित्रहरूको सफलतालाई ध्यानमा राख्दै निर्माताहरूले अपरेशन सिन्दूरले पनि दर्शकहरूलाई थिएटरहरूमा तान्न सक्ने विश्वास गर्छन्।

 यो खबरले सामाजिक सञ्जालमा पनि हंगामा मच्चाएको छ।