९० को दशककी अभिनेत्री हुन् शिल्पा शिरोडकर। 

उनको करियरको सुरुवातमा बलिउडका मानिसहरूले उनलाई 'अभागी' पनि भनेका थिए, तर एउटा बोल्ड दृश्यले उनको भाग्य परिवर्तन गरिदियो।

शिल्पा शिरोडकरले आफ्नो करियर फिल्म 'भ्रष्टचार' बाट सुरु गरेकी थिइन्, तर यसअघि उनका दुई फिल्म रिलिज बिना नै रोकिएका थिए। 

यसै कारणले गर्दा उनको नाम फिल्म उद्याेगमा 'दुर्भाग्यशाली' अभिनेत्रीको रूपमा देखिन थाल्यो। मानिसहरूले शिल्पाले अभिनय गरेको कुनै पनि फिल्म अपूर्ण रहन्छ भन्ने विश्वास गर्न थाले।

एक फिल्ममा शिल्पाले रेखा, अनुपम खेर र मिथुन जस्ता ठूला स्टारहरूसँग स्क्रिन सेयर गर्ने मौका पाइन्। शिल्पाले यसलाई भगवानले दिएको अवसरभनिन्। यो फिल्मले पछि उनकाे करियरमा गति लियाे। 

उनले 'त्रिनेत्र', 'हम', 'खुदा गवाह' र 'बेवफा सनम' जस्ता हिट फिल्महरूमा बलियो भूमिका खेलिन्। विशेष गरी फिल्म 'गोपी किशन' मा सुनील शेट्टीसँगको उनको जोडीलाई दर्शकहरूले धेरै मन पराए।

सुरुवाती कठिनाइहरूपछि शिल्पाले आफ्नो बोल्ड शैली र स्पष्ट अभिनयले दर्शकहरूको मन जितिन्। एक समय उनलाई 'अभागी' भन्नेहरूले उनको प्रशंसा गर्न थाले।