कैलाली
पूर्वउपप्रधानमन्त्री तथा गृह–रक्षामन्त्री डा. भीम रावल नेतृत्वको ‘मातृभूमि जागरण अभियान’मा नेकपा एमालेका पूर्वमन्त्रीसहित ३ सय ५८ जना नेता–कार्यकर्ताहरूले पार्टी त्याग्दै समाहित भएको घोषण गरेका छन्।

सुदूरपश्चिम प्रदेशका पूर्वसामाजिक विकास मन्त्री तथा एमाले प्रदेश कमिटी सदस्य कृष्णराज सुवेदीसहित कैलालीको गोदावरी र गौरिगंगाका ३५८ जना एमाले नेता–कार्यकर्ताहरू ‘डा. रावलको देशभक्ति मार्ग’ रोजेको पत्रकार सम्मेलनमार्फत् जनाएका छन्।

त्यसो त एमालेको कारबाहीमा परेका धेरैजसो एमाले नेता-कार्यकर्ताहरू मातृभूमि जागरण अभियानमा थपिने क्रम जारी नै छ। 

हप्ता दिनअघि एमाले कैलालीले पार्टीबाट निकालेका पूर्वमन्त्री सुवेदीसहित जिल्ला कमिटी सदस्य भिष्मराज सुवेदीलगायत ३ सय ५८ जनाले एमाले छाडेर नेता रावलको अभियानमा जोडिएको जानकारी दिएका छन्। 

रावलनिकट स्रोतकाअनुसार उक्त अभियानमा कैलालीको गोदावरी र गौरिगंगा नगरपालिकाका करिब २ सय ५० भन्दा बढी एमाले संगठित सदस्य रहेको बताइएको छ।