लिबाङमा जारी नेकपा (एमाले) रोल्पाको सातौँ जिल्ला अधिवेशनमा पूर्वपत्रकार तथा मानव अधिकारकर्मी घनश्याम आचार्यले अध्यक्षमा उम्मेदवारी दर्ता गराएका छन्।

निर्वाचन समितिका अनुसार रोल्पा नगर कमिटीका पूर्वअध्यक्ष आचार्यसहित अध्यक्ष पदमै जिल्ला सचिव अमृतबहादुर बुढाले पनि उम्मेदवारी दिएका हुन्।

अध्यक्ष आचार्य लामो समयदेखि मानवअधिकार तथा पत्रकारिताको क्षेत्रमा सक्रिय थिए। उनी २०४७ सालमै अनरोस्ववियु रोल्पा जिल्ला कमिटी अध्यक्ष भएर राजनीतिमा क्रियाशील भएपनि २०५० सालपछि मानवअधिकार र पत्रकारिता क्षेत्रमा सक्रिय भएका थिए।

मानवअधिकारको क्षेत्रमा महत्वपूर्ण भुमिका निभाएको भन्दै राष्ट्रियस्तरको मानवअधिकार पुरस्कार समेत प्राप्त गरेका आचार्य पुनः राजनीतिक जीवनमा फर्केपछि एमालेपंक्तिमा उत्साह छाएको छ।

आचार्यको राजनीतिक सक्रियता र जारी जिल्ला अधिवेशनमा अध्यक्ष पदकाे लागि उम्मेदवारी दिएपछि रोल्पामा एमालेको राजनीति नयाँ शिराहाबाट उठ्ने सामाजिक सञ्जालमा प्रतिक्रियाहरू दखिन्छन्।