आयरल्याण्डले विश्व च्याम्पियन इंग्ल्याण्डलाई मंगलबार तीन खेलको शृंखलाअन्तर्गत अन्तिम खेलमा पराजित गरेको छ। 

इंग्ल्याण्डविरूद्ध ऐतिहासिक जित हात पार्न कप्तान बालबर्नी  र पाउल स्टार्लिङले शतकीय साझेदारी गरेका थिए, जसका कारण विसाल ३ सय २९ रन बनाएर ७ विकेटले पराजित गर्न सफल भयो। 

इंग्ल्याण्डले पहिलो ब्याटिङ गर्दै कप्तान इयोन मोर्गनको सतकको सहयोगले ३ सय २८ रन बनाएको थियो। प्रत्युत्तरमा आयरल्याण्डले ४९ दशमलव ५ ओभरमा ३ विकेट गुमाउँदै विजय लक्ष्य प्राप्त गर्यो। 

यो आयरल्याण्डको इंग्ल्याण्डमा पहिलो एकदिवसीय जित हो। इंग्ल्याण्डले शृंखला २–१ ले जितको छ। अनुभवी ब्याट्सम्यान स्टार्लिङले १ सय ४२ रन बनाए। उनले १ सय २८ बलमा ९ चौका र ६ छक्का प्रहार गरेका थिए। 

कप्तान बालबर्नीले १ सय १२ बलमा १२ चौकाको सहयोगले १ सय १३ रन बनाए। ह्यारी टेक्टर र केभिन ओब्रायनले अन्त्यमा अविजित २९ र २१ रन बनाए। 

स्टार्लिङ र बालबर्नीले २ सय १४ रनको साझेदारी गर्दै खेल उल्टाएका थिए। इंग्ल्याण्डका लागि कप्तान मोर्गनले ८४ बलमा १ सय ६ रन बनाए। डेभिड विलीले ५१ रन बनाए।