नेपाली कांग्रेसको केन्द्रीय नीति, अनुसन्धान तथा प्रशिक्षण प्रतिष्ठान अन्तरगतको नेतृत्व विकास समितिले फ्रन्टलाइनमा रहेर  काम गर्ने ट्राफिक प्रहरीलाई आवश्यक स्वास्थ्य सामाग्री वितरण गरेको छ।

समितिले शुक्रबार सातै प्रदेशमा रहेका करिब १ हजार ७ सय ट्राफिक प्रहरीलाई आवश्यक स्वास्थ्य सामाग्री, माक्स, सेनीटाईजर, फेशमाक्सलगागतका सामाग्री वितरण गरेको हो।

प्रतिष्ठानको नेतृत्व विकास समितिको संयोजक उषा मल्ल सिहंका अनुसार शुक्रबार सातै प्रदेशका १ हजार ७ सय ट्राफिक प्रहरीलाई स्वास्थ्य सामाग्री वितरण गरिएको हो।

कोरोना महामारीमा अग्रपंतिमा रहेर काम गर्ने ट्राफिक प्रहरीलाई मदत होस् भन्ने उद्देश्यले देशैभर एकैदिन स्वास्थ्य सामाग्री वितरण गरिएको समितिको संयोजक उषाले बताइन्।

ललितपुर ट्राफिक प्रहरीलाई आवश्यक सामाग्री प्रदान गर्न उषालगायतको टोली शुक्रबार ट्राफिक प्रहरी कार्यालयमा पुगेर सामाग्री हस्तान्त्रण गरेको थियो।

कोरोना महामारीमा खटिएका ट्राफिक प्रहरीलाई आवश्यक सामाग्री दिन अहिलेको आवश्यता रहेको भन्दै स्वास्थ्य सामाग्री वितरण गरिएको उषाले बताइन्।