बाहिरका मानिस गएर राउटे बस्तीमा टिकटक बनाउनेदेखि राउटे समुदायकी युवतीमाथि यौन दुर्व्यवहारका घटना बढेपछि स्थानीय प्रशासनले राउटे बस्ती सिल गरेको छ।
जिल्ला प्रशासन कार्यालय सुर्खेतले राउटे बस्तीमा बाहिरबाट जानेलाई प्रतिबन्ध लगाएको हो।
सुरर्खेतका प्रमुख जिल्ला अधिकारी छविलाल रिजालले राउटे बस्तीमा असुरक्षा बढेपछि कसैलाई प्रवेश गर्न नदिने निणर्य गरेको जनाए।
प्रवेश निषेध सँगै राउटे बस्ती सुरक्षाका लागि प्रशासनले प्रहरी टोलीनै परिचालन गरेको छ।
सुर्खेतको गुर्भाकोट नगरपालिका–११, आँपसोतीको भेरी नदी किनारमा राउटे बस्ती छ। पछिल्लो समयमा युट्युब च्यान चलाउनेहरु तथा टिकटक बनाउन त्यहाँ जानेहरुको भिडनै लाग्ने गरेको थियो।
केही दिन अघि राउटे युवतीमाथि भएको यौन दुर्व्यवहारको घटनापछि स्थानीय प्रशासनले यस्तो निर्णय गरेको हो।
