गुम्सिएकाे आकाश पनि खुल्छ राेएपछि...

• • •

मनाेमानी गरी बाँच्नेहरूका मजा छुट्टै छन्
पिएर लेख्ने कलमहरूका कला छुट्टै छन्

कोही जीवन रमेका हुन्छन् कल्पनामा डुब्दै
उनीहरूले देख्ने संसारका अदा छुट्टै छन्

गुम्सिएको आकाश पनि खुल्छ रोएपछि
झरीका थोपाले सुनाएका कथा छुट्टै छन्

रङ र प्रेमको शब्दार्थ एकै हो बुझेपछि
समयसँगै फुस्रिजाने दुबैका पना छुट्टै छन्

कहाँ एकै हुन सक्छन् र हेर्ने दृष्टि सबैका
सकारात्मक सोच्नेहरूका रचना छुट्टै छन्।

• • •

प्रतिक्रिया

टिप्पणीहरू छैनन्। तपाईं पहिलो बन्नुहोस्!

२ .

बिएल संवाददाता

गुम्सिएकाे आकाश पनि खुल्छ राेएपछि...