डोल्पामा १५ वर्षीया किशोरीलाई बलात्कार गरी गर्भवती बनाएको आरोपमा तीन जना पक्राउ परेका छन्।

जिल्लाको जगदुल्ला गाउँपालिका वडा नं. ६ की १५ वर्षीय किशोरीलाई बलात्कार गरी गर्भवती बनाएको आरोपमा पक्राउ परेका तीन जनालाई प्रहरीले शनिबार सार्वजनिक गरेको हो।

पक्राउ पर्नेमा जगदुल्ला गाउँपालिका वडा नं. ५ माझगाउँका २९ वर्षीय धर्मराज बोहोरा, सल्यानको कुमाख गाउँपालिका वडा नं. ५ कालागाउँका २० वर्षीय रेशम राना र जाजरकोटको कुशे गाउँपालिका वडा नं. ९ का २१ वर्षीय कृष्ण विक रहेका छन्।

ती किशोरीलाई २०७९ फागुन १५ गते राति १० बजेतिर जगदुल्ला गाउँपालिका वडा नं.६ झ्याकोटस्थित बारीमा पहिलो पटक रेशम रानाले र त्यसपछि अन्यले पटक–पटक विभिन्न स्थानमा लगेर बलात्कार गरेको प्रहरीको आरोप छ।

ती किशोरी हाल ६ महिनाकी गर्भवती छन्। उनलाई सुर्खेतको बालबालिका हेरचाह केन्द्रमा स्तान्तरण गरिएको छ।

किशोरीका परिवारले गत साउत २७ गते पक्राउ परेका तीन जनासहित ९ जनाविरुद्ध जबर्जस्ती करणीको मुद्दामा किटानी जाहेरी दिएका थिए।

प्रहरीले पक्राउ परेका तीनमाथि अनुसन्धान जारी राख्दै अन्य ६ जनाको खोजी कार्य तीव्र पारेको छ।

डोल्पामा १५ वर्षीया बालिका ९ जना युवाबाट बलात्कृत