काठमाडौँ महानगरपालिकाका मेयर बालेन शाहले नदी किनारका २० मिटर जग्गामा संरचना बनाउन नपाइने सर्वोच्च अदालतको आदेशलाई महानगरको निर्णय भनि गलत व्याख्या गरेर पार्टीका नेता कार्यकर्ताहरुले भ्रम छरेकाे बताएका छन्। 

साेमबार सामाजिक सञ्जालमार्फत मेयर बालेनले अदालतको आदेशलाई महानगरको निर्णय भनि गलत व्याख्या गरेर जनतामाझ भ्रम नछर्न आग्रह गरे।

उनले सर्वोच्चको आदेश आएपछि काठमाडौँ महानगरले सो आदेशलाई सुचित गर्दै बागमती, विष्णुमतीमा ४० मिटर, टुकुचाको २० मिटर वरिपरी निर्माण निषेधित क्षेत्र जानकारी मात्र गराएकाे उल्लेख गराएका छन्। बालेनका अनुसार त्यो जग्गामा अब थप संरचना बनाउन नपाइने छैन।

बालेनले भनेका छन्:

कागले कान लग्यो भनेर हल्ला गर्दैमा कागको पछि लाग्ने हैन आफ्नो कान छाम्ने हो। सर्वोच्च अदालतको आदेश आए पछि हामी काठमाडौँ महानगरले सो आदेशलाई सुचित गर्दै बागमती, विष्णुमतीमा ४० मिटर टुकुचा को २० मिटर वरिपरी निर्माण निषेधित क्षेत्र जानकारी गराएका हौँ। त्यो जग्गामा अब थप संरचना बनाउन पाइने छैन। अदालतको आदेश अनुसार जनताले आफ्नो जग्गा उपभोग गर्नबाट रोकेको छैन भने नेपाल सरकारले चाहेमा मुआब्जा दिएरमात्र जग्गा अधिग्रहण गर्न सक्ने छ। अदालतको आदेशलाई महानगरको निर्णय भनि गलत व्याख्या गरेर पार्टीको नेता कार्यकर्ताहरुले जनता माझ भ्रम नछर्नु होला।