Media for all across the globe

विरगंजबाट आउँदै गरेको ग्यास बुलेट हेटौंडामा ब्रेक फेल, ट्रकसँग ठोक्कियो

पूर्वपश्चिम राजमार्गअन्तर्गत मकवानपुरको हेटौंडा ९ पशुपतिनगरमा ट्रकसँग ठोक्किदा ग्याँस लोड भएको बुलेट पल्टिएको छ। बिहीबार बिहान विरगंजबाट ग्याँस बोकेर धादिङको धार्केतर्फ जाँदै गरेको एन एल ०१ ए ए ५००७ नम्बरको भारतीय ग्यास बुलेट विपरीत दिशाबाट आइरहेको ग१ख ९४८१ नम्बरको ट्रकसँग ठोक्किदा ग्याँस बुलेट सडक किनारमा पल्टिएको हो। बुलेटको बेक्र फेल भएर ट्रकसँग ठोक्किएको मकवानपुर प्रहरीले जनाएको छ। तर दुर्घटनामा कुनै मानवीय क्षति भएको छैन।

बिएल संवाददाता - हेटौंडा

पाँच लाख विद्यार्थी आजदेखि एसईई दिँदै, जापानबाट पनि सहभागी

गत वर्ष २०८० को एसईई परीक्षामा चार लाख ६४ हजार ७८५ जना विद्यार्थी सहभागी भएका थिए । यस वर्षको परीक्षामा विद्यार्थीको सङ्ख्या ४९ हजार २८६ जना बढेको छ। परीक्षामा १५० जनासम्म परीक्षार्थी भएको केन्द्रमा एकजना सहायक केन्द्राध्यक्ष र २० जना विद्यार्थी बराबर एकजना निरीक्षक खटाउने प्रबन्ध गरिएको छ।

बिएल संवाददाता - काठमाडौं

एससीटीले ल्यायो ‘एससीटी स्मार्ट वेनस्डे’ अफर

नेपाल राष्ट्र बैंकबाट अनुमति पत्र प्राप्त भुक्तानी प्रणाली सञ्चालक संस्था स्मार्टच्वाइस टेक्नोलोजिज लिमिटेड (एससीटी)ले नेपालमा १२०+ शाखा रहेको चेन स्टोर बिगमार्टमा एससीटी स्मार्ट वेनस्डे अफर सुरु गर्दै छ। यस अफर अन्तर्गत ग्राहकहरूले बिगमार्टमा एससीटी-यूपीआई कार्डबाट भुक्तानी गर्दा एकपटकमा १० प्रतिशत, अधिकतम १०० रुपैयाँ हुने गरी छुट प्राप्त गर्नेछन्। यसको लागी भुक्तानी गर्न एससीटी-यूपीआई कार्ड प्रयोग गरी पीओएस मेसिन मार्फतनै भुक्तानी गर्नुपर्नेछ। यो अफर ६ महिनासम्म हरेक बुधबार बिगमार्टको सम्पूर्ण शाखामा लागु हुनेछ।

बिएल संवाददाता - काठमाडौं

२५ करोड बोकेर चीन हिँडेका ड्राइभर भरिया मात्र, मालिक खोज्दै प्रहरी

प्रहरीले मंगलबार बिहान ट्रकसहित पक्राउ परेका सिन्धुपाल्चोक भोटेकोशी नगरपालिका-१ का ४३ वर्षीय ‘फुच्चे’ भनिने कुसाङ लामालाई पत्रकार सम्मेलनमार्फत सार्वजनिक गरेको हो। रकम बोकेर चीनको केरुङ जाँदै गरेको ट्रक र चालकलाई प्रहरीले टोखाको झोरबाट पक्राउ गरेको थियो। पक्राउ परेका लामा भरिया मात्र रहेको खुलेको काठमाडौं उपत्यका अपराध अनुसन्धान कार्यालयले जनाएको छ। उनी यसअघि नै ७ किलो सुन तस्करी प्रकरणमा पक्राउ परेर पाँच वर्ष जेल बसेर छुटेको खुलेको छ। प्रहरीले पुरानो र अहिलेको घटनालाई केन्द्रमा राखेर अनुसन्धान सुरु गरेको छ। प्रहरीको प्रारम्भिक अनुसन्धानबाट पक्राउ परेका लामा भरिया मात्र रहेको खुलेपछि मालिकको खोजीमा केन्द्रीत हुने काठमाडौं उपत्यका अपराध अनुसन्धान कार्यालयले जनाएको छ।

बिएल संवाददाता - काठमाडौं

टीयू क्रिकेट मैदानमा बैशाख २४ भित्रै फ्लड लाइट र प्याराफिट!

चालु आ.व. २०८१/८२ मा यस मन्त्रालयको जम्मा ९१ अर्व ३५ करोड २३ लाख रहेकोमा संघतर्फ ६८ अर्ब २५ करोड ८३ लाख ३९ हजार रहेको जनाएको छ । जसमध्ये चालु तर्फ ४ अर्ब ४२ करोड ३८ लाख २३ हजार र पूँजीगत तर्फ ६३ अर्ब ८३ करोड ४५ लाख १६ हजार विनियोजित छ । हालसम्म चालुतर्फको खर्च २५.२३ प्रतिशत रहेको छ भने पूँजीगततर्फको खर्च १७.४३ प्रतिशत रहेको छ । समग्रमा हालसम्म जम्मा १२ अर्व २४ करोड ३ लाख ८७ हजार अर्थात् १७.९३ प्रतिशत खर्च भएको अवस्था छ । मन्त्रालयले चालु आर्थिक वर्षमा १७.९३ प्रतिशत बजेट खर्च गरेको छ । मन्त्रालयले आज पत्रकार सम्मेलन गरी सो जानकारी दिएको हो । पत्रकार सम्मेलनमा मन्त्रालयका सहसचिव एवं प्रवक्ता नारायण मैनालीले दिएको जानकारी अनुसार चालू आर्थिक वर्ष २०८१/८२ मा सहरी विकास मन्त्रालयको कुल बजेट ९१ अर्ब ३५ करोड २३ लाख रुपैयाँ छ ।

बिएल संवाददाता - काठमाडौं

२५ करोडसहित समातिएका लामा यसअघि नै सुन तस्करीमा जेल परेर छुटेको खुलासा

काठमाडौंको टोखा झोर क्षेत्रबाट ट्रकमा लुकाएर राखिएको २५ करोड रुपैयाँ बराबरको युरो र अमेरिकन डलरसहित पक्राउ परेका व्यक्ति यसअघि नै सुन तस्करीमा जेल परेर छुटेको खुलेको छ। मंगलबार बिहान ना७ख १६५२ नम्बरको ट्रकमा ठूलो परिमाणको अवैध रकमसहित समातिएका व्यक्ति सिन्धुपाल्चोकका ३९ वर्षीय कुसान लामा रहेको खुलेको छ। ट्रकमा फल्स बटम बनाएर लुकाइ राखेको रकमसहित उक्त ट्रक केरुङतर्फ जाँदै थियो। प्रहरी स्रोतका अनुसार उनी यसअघि सुन तस्करी प्रकरणमा ७ किलो सुनसहित कलंकीबाट समातिएर २०७८ मा छुटेका थिए। प्रहरीले आजै दिउँसो लामाको पक्राउबारे पत्रकार सम्मेलन गर्दैछ।

बिएल संवाददाता - काठमाडौं

ट्रकमा राखिएको २५ करोड रुपैयाँ बरामद

नेपाल प्रहरीले ठूलो मात्रामा युरो र अमेरिकन डलर बरामद गरेकाे छ।काठमाडौंको टोखा झोर क्षेत्रबाट ट्रकमा राखिएको अवस्थामा करिब २५ करोड रुपैयाँ बराबरको मुद्रा बरामद गरेको हो।

बिएल संवाददाता - काठमाडाैं

आइजिपीको फूली लगाएपछि थापाले भने ‘प्रहरी सुधार्न साइत कुरेर बस्दिनँ’

‘प्रहरी कस्तो छ भनेर हामीले लुकाउनुपर्ने केही छैन। ती पक्ष लुकाएर वा दबाएर प्रहरीमा सुधार हुन्छ भन्नेतर्फ म विश्वास पनि गर्दिनँ’ उनले भनेका छन् ‘प्रहरीभित्र सुधार ल्याउन साइत कुरेर बस्न पनि जरूरी छैन। सुधारको प्रारम्भ कोही र कसैबाट होइन म भित्रैबाट नै आवश्यक छ भन्ने स्वीकार गरी अघि बढ्नुको विकल्प छैन।’

बिएल संवाददाता - काठमाडौं

आजको तरकारी र फलफूलको थोक मूल्य

गोलभेँडा ठूलो (नेपाली) प्रतिकिलो रु २५, गोलभेँडा ठूलो (भारतीय) प्रतिकिलो रु ५०, गोलभेँडा सानो (तराई) प्रतिकिलो रु २५, आलु रातो प्रतिकिलो रु ३५, आलु रातो (भारतीय) प्रतिकिलो रु ३४, प्याज सुकेको (भारतीय) प्रतिकिलो रु ५५, गाजर (लोकल) प्रतिकिलो रु ४०, गाजर (तराई) प्रतिकिलो रु २५, बन्दा (लोकल) प्रतिकिलो रु १५, बन्दा (नरिवल) प्रतिकिलो रु २०, काउली (स्थानीय) प्रतिकिलो रु २०, स्थानीय काउली (ज्यापु) प्रतिकिलो रु २५, मूला रातो प्रतिकिलो रु ४५, मूला सेतो (लोकल) प्रतिकिलो रु २५, सेतो मूला (हाइब्रिड) प्रतिकिलो रु ३०, भन्टा लाम्चो प्रतिकिलो रु ४५ तथा भन्टा डल्लो प्रतिकिलो रु ४५ कायम गरिएको छ।

बिएल संवाददाता - काठमाडाैं

युद्धबिराम सकियो- इजरायलले सुरु गर्‍यो हमासमाथि आक्रमण

गत जनवरी १९ मा भएको युद्धबिराम यता इजरायले गरेको यो सबैभन्दा ठूलो आक्रमण हो। पहिलो चरणको युद्धबिराम मार्च १ मा समाप्त भएको थियो। र दोस्रो चरणको युद्धबिरामको प्रयास भइरहँदा इजरायलले हमास नियन्त्रित गाजा क्षेत्रमा आक्रमण गरेको हो।

बिएल संवाददाता - काठमाडौं

नेपाल प्रहरीको ३१औं आईजीपीमा दीपक थापा नियुक्त

सोमबार बसेको मन्त्रिपरिषद्‌को बैठकले एआईजी थापालाई नेपाल प्रहरीको ३१औं महानिरीक्षकमा नियुक्त गरेको हो। थापासँगै प्रहरी महानिरीक्षकमा एआईजीहरू सुदीप गिरी र टेकबहादुर तामाङ प्रतिस्पर्धामा थिए। प्रहरी महानिरीक्षक नियुक्तिमा ज्येष्ठता, कार्यकुशलता, कार्यक्षमतालाई आधार मान्ने नियमावलीमा व्यवस्था छ। जसअनुसार एआईजी दीपक थापा महानिरीक्षकमा नियुक्त भएका हुन्। उनले आफ्नो कार्यकालमा हालसम्म काठमाडौं उपत्यका, जिल्ला, विभागको सफलतापूर्वक जिम्मेवारी पुरा गरेका छन्। हालसम्म कुनै विवादमा नआएका उनको बढुवाले देशको सुरक्षा र प्रहरी संगठनको विकासका लागि सरकारलाई नै सहयोग हुने विश्वास गरिएको छ।

बिएल संवाददाता - काठमाडौं

धनुषामा प्रहरीको गोली चलायो, एक घाइते

धनुषाको सबैला नगरपालिकास्थित भठिहनमा चोकको नामलाई लिएर दुई पक्षबीच सोमबार पनि झडप भएको छ। दुई पक्षबीचको झडप बढ्न थालेपछि नियन्त्रणमा लिनका लागि प्रहरीले चलाएको गोली लागेर एकजना युवक घाइते भएका छन्। घाइते हुनेमा सहिदनगर-१ का २० वर्षीय सन्तोष यादव रहेको प्रहरीले जनाएको छ। घाइते यादवको प्रादेशिक अस्पताल जनकपुरधाममा उपचार भइरहेको जिल्ला प्रहरी कार्यालय धनुषाले जनाएको छ। भठिहनस्थित चोकमा एक पक्षले यादव चोक लेखिएको बोर्ड लगाएपछि अर्को पक्षले सो बोर्ड उखेलेपछि तनाव उत्पन्न भएको थियो।

बिएल संवाददाता - धनुषा

अमेरिकाले पठायो सयौं आप्रवासीलाई सल्भाडोरको जेल

हालैमात्र ट्रम्पले साल्भाडोरसँग अपराधि राख्ने जेलका लागि सम्झौता गरेका थिए। यो विश्वकै एक अनौठो सम्झौता हो जसले एक अर्को देशमा कैदीहरू राख्ने बाटो खुलाइ दिएको छ। त्यो एक प्रकारले अमेरिकाले जेल भाडामा लिएजस्तै हो। यो जेलमा आफूले कैदी राखेवाफत अमेरिकाले साल्भाडोरलाई लाखौं डलर तिर्नुपर्छ।

बिएल संवाददाता - काठमाडौं