राष्ट्रिय स्वतन्त्र पार्टी (रास्वपा)का निलम्बित महामन्त्री डा. मुकुल ढकालले पुराना दलकाे स्थानमा रास्वपा बसेपनि जनताकाे जीवनमा परिवर्तन नआउने बताएका छन्।

३८ जिल्लाका २०७९ नेता/कार्यकर्तालाई भेटेर तयार पारेकाे प्रतिवेदनमा ढकालले कुर्सीमा राजाकाे ठाउँमा राष्ट्रपति बसेजस्तै रास्वपा पुरानाकाे ठाउँमा बस्ने तर जनताकाे जीवनमा परिवर्तन नआउने बताएका हुन्।

‘मुलुकमा गणतन्त्र आएपछि राजाकाे ठाउँमा राष्ट्रपति बसे। राजाकै प्रचलन राष्ट्रपतिमा दाेहाेरियाे। नयाँ आउँदा ठ्याक्कै नयाँ नगर्ने हाे भने गणतन्त्रकाे हाल हुन्छ’, ढकालकाे प्रतिवेदनमा उल्लेख छ, ‘पुरानाकाे ठाउँमा रास्वपा बस्ला तर जनताकाे जीवनमा कुनै परिवर्तन आउने छैन।’

उनले २०४७ साल यता मुलुकमा जति राजनीतिक दल चाहिएकाे छ, त्याे भन्दा धेरै राजनीतिक दल भएकाले राजनीति कम काम धेरै गर्ने एजेण्डासहित नयाँ प्रकारकाे राजनीतिक दल स्थापनाकाे उद्देश्यले रास्वपा स्थापना गरेकाे भएपनि पुरानालाई सच्चाउँदै जानुकाे सट्टा उल्टाे रास्वपा नै बिग्रँदै गएकाे त छैन भन्ने प्रश्न खडा भएकाे बताए।