नेकपाका सबै सांसदको पारिश्रमिक सरकारी राहत काेषमा

नेकपाका सबै सांसदको पारिश्रमिक सरकारी राहत काेषमा

नेपाल कम्युनिष्ट पार्टी (नेकपा)ले तत्काललाई सबै सांसदको १५ दिन बराराबरको पारिश्रमिक कोरोना संक्रमणको महामारीविरुद्ध लड्न सरकारले गठन गरेको केन्द्रीय राहत कोषमा जम्मा गर्ने भएको छ। 

नेकपाले एक विज्ञप्ती निकाल्दै राष्ट्रिय बाणिज्य बैंक, सिहदरबारको खाता नम्बर १९६०००००११०१० मा उक्त जम्मा गर्ने बताएको हाे।

मन्त्रिपरिषदको बैठकले आइतबार सो कोष गठन गरी प्रधानमन्त्रीसहित मन्त्रीहरुको एक एक महिनाको तलब जम्मा गर्ने निर्णय गरेको थियो। सो कोषमा सरकारले ५० करोड रुपैयाँ जम्मा गरेका छन्।

यस खातामा राष्ट्रपति विद्यादेवी भण्डारी, उपराष्ट्रपति नन्दकिशोर पुन, प्रतिनिधि सभाका सभामुख अग्नि सापकोटालगायत बिभिन्न उच्च पदस्त व्यक्तिहरुले पनि रकम जम्मा गराउने बताएका छन्।

प्रकाशित मिति: Mar 24, 2020 09:19:05

प्रतिक्रिया दिनुहोस

प्राथमिकतामा सरसफाइ
  • अन्नपूर्ण पोष्ट
सबै