मस्जिदमा रहेका २७ विदेशीको नतिजा नेगेटिभ

बिएल संवाददाता

चितवन

• • •

जिल्लाका विभिन्न मस्जिदमा रहेका २७ विदेशी मुसलमान समुदायका व्यक्तिको पिसिआर परीक्षण गरिएको छ ।

परीक्षणका क्रममा उनीहरुको नतिजा नेगेटिभ आएको प्रमुख जिल्ला अधिकारी नारायणप्रसाद भट्टले जानकारी दिए ।

भट्टका अनुसार जिल्लाका विभिन्न मस्जिदमा १९ भारतीय र आठ जना पाकिस्तानी मुस्लिम समुदायका व्यक्ति रहेका छन् ।

उनीहरुको सम्पर्कमा आएका व्यक्तिको पनि पहिचान गरी र्‍यापिड डाइग्नोस्टिक टेस्ट र पिसिआर परीक्षण गरिएको उनले जानकारी दिए ।

उनीहरुको नतिजा नेगेटिभ आएको भए पनि अहिले होम क्वारेन्टाइनमा राखिएको भट्टले बताए । उनले भने, “विदेशबाट आएका मुस्लिम सम्प्रदायका व्यक्तिलाई अहिले जहाँ छन् त्यही सुरक्षित साथ क्वारेन्टाइनमा राखिएको छ ।”

उनीहरु सुरक्षा निकायको निगरानीमा रहेका उनले जानकारी दिए ।

शुक्रबार, बैशाख १२, २०७७

• • •