सर्वोच्च अदालतले २८ पुसमा १३ वटा पेसी सूची तोकेको थियो । जसमध्ये प्रधान न्यायाधीश चोलेन्द्र शम्शेर ज.ब.रा. ले इजलास नम्बर. पूर्ण १ मा आफ्नो एकल इजलास तोकेका थिए । र, त्यो इजलासमा १० वटा पेसी राखेका थिए । तर, त्यो दिन राणा इजलासमै बसेनन् । त्यसैले उनले एउटा पनि मुद्दा हेरेनन् । ती सबै मुद्दाको स्थितिमा ‘बेञ्च बस्न नभ्याएको’ उल्लेख छ । 

त्यही दिन राणाले इजलास नम्बर ३ मा हरिकृष्ण कार्की र प्रकाशकुमार ढुङ्गानाको संयुक्त इजलास तोकेका थिए । यो इजलास ‘नि.सु’ (निर्णय सुनाउने) का लागि तोकिएको थियो । कार्की र ढुङ्गानाको इजलासले लोक सेवा आयोग, परराष्ट्र मन्त्रालय, संघीय मामिला तथा सामान्य प्रशासन मन्त्रालयलगायत सरकारी निकायविरुद्ध परेका आठवटा मुद्दाको निर्णय सुनाउनुपर्ने थियो । तर, यो इजलास पनि बसेन । मुद्दाको स्थितिमा ‘नि.सु. सरेको’ लेखियो ।

राणाले कार्कीसँग तोकेका न्यायाधीश ढुङ्गानालाई १० नम्बर. बेन्चमा न्यायाधीश तेजबहादुर केसीसँगको संयुक्त इजलासमा पठाए । केसी र ढुङ्गाना न्यायाधीशद्वयको यो इजलासले कक्षा ११ को पाठय्क्रम सम्वन्धी रिट खारेज गरिदियो । यसपछिका सूचीका मुद्दा त्यस इजलासले हेर्न भ्याएन ।

स्रोतका अनुसार प्रधान न्यायाधीश राणाले निर्णय सु