कविता

मेरो कर्तव्य

म देश बचाउँ भन्छु 
भाषा साहित्य र संस्कारसँगै 

म मेरो, उसको र सबको
अस्तित्व बचाउँ भन्छु 

उखेलेर भ्रष्टचारको जरा 
यहाँ नातावादको नारा लाउनेहरु
पर्खाल बनेर उभिएका छन्। 
माटोको कुरा गर्छन् 
इतिहासको कुरा गर्छन् 
सभ्यता र संस्कारको कुरा गर्छन् 
अनि आफै बिक्छन् 
करोड़ाैंको बिटाहरुमा।

हो,
म पनि अब बाङ्गिनु परेको छ
यी बिकुवाहरुलाई सबक सिकाउन 

अब करोड़ होइन 
अर्बाैको लालसा देखाएर
थाङ्नामा सुताउनु छ।

माटोको कुरा गरेर बाटो बेच्नेलाई 
बाटोको कुरा गरेर लाटो बेच्नेलाई 
हो,
मैले सबक सिकाउनु छ 
उसैको लाश राख्ने माटो
मैले पनि बेच्नु छ
उ हिंड्ने चौडादार बाटो
मैले अब भत्काउनु छ।

इतिहासका कुरा गरेर
वर्तमान उजाड़ पार्नेहरु बग्रेल्तै भए
आफ्ना पौरख संग्रहालयमा सजाएर
पश्चिमी भई टोपल्नेहरु सैकडाैं भए

हो,
अब मलाई सबको नाम उठाउनु छ
अब सबको हिसाब देखाउनु छ
अब एउटा ज्वाला बनेर हिंड़नु छ
अब साँच्चै एउटा छुट्टै क्रान्ति ल्याउनु छ

हो,
यस्तै यस्तै केही
अनौठो कर्तव्य गर्नुछ। 

प्रकाशित मिति: : 2021-05-08 11:52:00

प्रतिकृया दिनुहोस्