नेकपा (एमाले)बाट अलग्गिएका माधव नेपालसहित ५२ जना नेताहरु यतिबेला चन्द्रागिरीस्थित चन्द्रागिरी रिसोर्टमा छन्।

माधव समूहले नयाँ दल दर्ताको लागि निवेदन दिएपछि नेता नेपालका दाहिने हात मानिने नेताहरु पनि यतिबेला तेस्रो धारमा देखिएका छन्।

उनीहरु न त पार्टी अध्यक्ष ओलीसँग मिल्न सकेका छन्, न त माधव समूहको नयाँ पार्टीमा नै जान सकेका छन्। उनीहरु अझै पनि पार्टी एकताको लागि दौडधुप गरिरहेका छन्।

यसैबीच नेता नेपालसहित ५२ जना नेताहरुबीच यतिबेला चन्द्रागिरी रिसोर्टमा आवासीय छलफल चलिरहेको छ। ५२ जनामध्ये २८ जना भने सांसद रहेका छन्।

नयाँ दलको सनाखतका लागि माधव समूहलाई निर्वाचन आयोगले बुधबार बोलाएको छ। तर त्यसपूर्व नै माधव समूहका नेताहरु आन्तरिक छलफलको लागि चन्द्रागिरी रिसोर्टमा जुटेका हुन्।

आफूहरु बुधबारसम्म रिसोर्टमै रहने माधव समूहका एक नेताले जानकारी दिए। साथै उनले ३१ वटा कोठा बुकिङ गरिएको बताए।

रिसोर्ट स्रोतले दिएको जानकारी अनुसार नेता नेपालको लागि एउटा सुविधा सम्पन्न कोठा तयार पारिएको छ। त्यस्तै मेटमणि चौधरी र प्रेमबहादुर आलेले भने एउटै कोठामा बेड शेयर गर्दैछन्। यस्तै अन्य नेताहरुले पनि बेड शेयर गरेर सुत्नेछन्।

रामकुमारी झाँक्रीको लागि पनि सिंगल बेडसहितको कोठा तयार पारिएको रिसोर्ट स्रोतले जानकारी दिएको छ। 

माधव नेपालसहित ५२ जना नेताहरू चन्द्रागिरी रिसोर्टमा: ३१ वटा काेठा बुकिङ, कसले व्यहाेर्दै छ खर्च ?

एमालेमै फर्कने ‘तेस्रो धार’को निर्णयले माधव नेपाल समूह थप संकटमा, छलफलका लागि लागे चन्द्रागिरि रिसोर्टतिर