रसुवागढी नाकास्थित भोटेकोशीमा आएको भीषण बाढीको कारण ६ जना चिनियाँ नागरिकसहित १८ जना बेपत्ता भएका छन्।
बेपत्ता हुनेमा ९ नेपाली नागरिक, ६ चिनियाँ नागरिक र तीन जना प्रहरी रहेका छन्।
यसबाहेक नदीको बीचमा फसेका ९ जनाको उद्धार भएको जिल्ला प्रहरी कार्यालय रसुवाले जनाएको छ।
आज बिहानैदेखि भोटेकोशी र स्थानीय ल्हेन्दे खोलामा आएको बाढीले टिमुरेस्थित भन्सार क्षेत्रमा ठूलो क्षति पुर्याएको छ। बाढीले चीन जोड्ने मितेरी पुलसहित भन्सार क्षेत्रमा राखिएका विद्युतीय गाडी र कन्टेनरहरू बगाएको छ।
