पाकिस्तानले श्रीलंकाविरुद्धको एकदिवसीय सिरिज २–० ले जित हात पारेको छ ।गएराती सम्पन्न तेस्रो खेल पाकिस्तानले ५ विकेटले जित हात पारेको हो ।

श्रीलंकाले दिएको २९८ रनको लक्ष्य पछाएको पाकिस्तानले ४८.२ ओभरमा ५ विकेट गुमाउदै लक्ष्य पुरा गरेको थियो ।

पाकिस्तानका लागि फखर जमानले सर्वाधिक ७६ रन बनाएका थिए भने अबिद अलीले ७४ रन बनाए । त्यस्तै हरिस शोहैलले ५६ रनको महत्वपूर्ण पारी खेलेका थिए । त्यस्तै बबर आजमले ३१ रन बनाएका थिए ।

यस अघि टस जितेर पहिला ब्याटिंग गरेको श्रीलंकाले ओपनर धनुसका गुनाथिल्काको १३३ रनको शतकीय पारीको मद्धतले ५० ओभरमा ९ विकेट गुमाउदै २९७ रन बनाएको थियो ।

श्रीलंकाका लागि कप्तान लाहिरु थिरिमाने र मीनोद भानुकाले ३६–३६ रन बनाएका थिए । 

पाकिस्तानका लागि मोहमद आमिरले ३ विकेट लिए भने उसमान शिनवारी, वहाव रियाज, शदाब खान र मोहमव नवाजएल एक एक विकेट लिए ।

यस संगै पाकिस्तानले ३ खेलको सिरिजमा २–० ले जित हासिल गरेको छ ।