बिएल संवाददाता
कतारमा जारी एएफसी एसियन कपमा पुग्ने चार टोलीको टुंगो लागेको छ।
शनिबार राति सम्पन्न खेलमा इरान र साविक विजेता कतार सेमिफाइनल पुगेसँगै एसियन कपको सेमिफाइनलमा पुग्ने चारै टोलीको टुंगो लागेको हो।
शनिबार उपाधि दाबेदारको रूपमा रहेको जापानलाइ इरानले २–१ गाेलले पराजित गरेको थियो।
खेलको इन्जुरी समयमा इरानका अलिरेजा जहाँबख्शले पेनाल्टीमार्फत गरेको गोल नै निणार्यक बन्न पुग्यो। जापानको लागि हिडेमासा मोरिताले गोल गरेका थिए। जापानले इरानविरूद अग्रता लिएको थियो।
त्यस्तै, शनिबार राति भएको अर्को खेलमा साविक विजेता कतारले उज्वेकिस्तानलाइ पेनाल्टी सुटआउट मार्फत ३–२ को जित निकाल्दै सेमिफाइन प्रवेश गरेको हो।
निर्धारित समय र अतिरिक्त समय १–१ को बराबरीमा रोकिएपछि खेल पेनाल्टी सुटआउटमा गएको थियो। जहाँ साविक विजेता कतारले उज्वेकिस्तानमाथि जित हात पार्यो।
त्यस्तै, शुक्रबार जोर्डन र दक्षिण कोरियाले सेमिफाइनलमा आफ्नो स्थान बनाइसकेका छन्। दक्षिण कोरियाले अस्ट्रेलियालाई २–१ ले पराजय गरेर सेमिफाइनलमा पुग्यो। कोरियाले अतिरिक्त समयमा १ गोल गर्दै जित दर्ता गर्यो।
शुक्रबार नै भएको अर्काे खेलमा जोर्डनले ताजिकिस्तानलाई १–०ले हराएको थियो।
सेमिफाइनल खेल अब मंगलबार जोर्डन र दक्षिण कोरियाबीच हुने छ भने बुधबार आयोजक कतार र इरानबीच खेल हुनेछ।
धार्मिक आस्थाको मञ्चमा राजनीतिक सन्देशः छठलाई नेताहरूले कसरी गरे उपयोग?
‘हेक्का रहोस्, श्रीमद्भागवत, महाभारत जस्ता ग्रन्थ प्रश्नकै जगमा आएका हुन्’
छठ पर्वको सन्देश–प्रकृति र वातावरण सबैको हो, यिनको रक्षा गरौं
करोडपति जयप्रकाशलाई रक्सीले ‘रोडपति’ बनायो…
सीमान्त साहित्यः कसको आवाज, कसको कलम?
देउवा समूहबाट अबको सभापति को?
छानबिन समितिमा खगेन्द्रको इन्कारी पत्र, अनुसन्धान लम्बिने संकेत
१ .
२ .
३ .
४ .
५ .
प्रतिक्रिया