गत आर्थिक वर्षमा सरकारले लगानी गरेको ४५ वटा सार्वजनिक संस्थानहरुमध्ये ५ वटा उच्च नोक्सानीमा रहेका छन्। सार्वजनिक संस्थानहरुमध्ये नेपाल वायुसेवा निगम, नेपाल खानेपानी संस्थान, हेटौंडा सिमेन्ट उद्योग, जनक शिक्षा सामग्री केन्द्र र सार्वजनिक सेवा प्रसारणले उच्च नोक्सानी ब्यहोरेका हुन्। 

यी संस्थानको कुल नोक्सानको हिस्सा कूल नोक्सानको ६३.६३ प्रतिशत रहेको देखिन्छ। आर्थिक वर्ष २०८०/८१ मा सर्वाधिक खुद नोक्सान बेहोर्ने नेपाल वायुसेवा निगम रहेको छ। निगमको उक्त अवधिमा १६ अर्ब ६८ करोड रुपैयाँ सञ्चित नोक्सानी र १ अर्ब ४ करोड रुपैयाँ खुन नोक्सानी रहेको छ। 

निगमको वित्तीय अवस्था जहाज खरिद ऋणको साँवाव्याज भुक्तानीमा देखिएको समस्या, उच्च प्रशासनिक खर्च, जहाजहरूको न्यून उपयोग र व्यावसायिक योजनाको कमजोर कार्यान्वयन जस्ता कारणले निरन्तर खस्कँदो छ।