ललितपुर नगरप्रहरी बल प्रमुख सिताराम हाछेथुले कसैलाई पनि बलजफती ‘ट्राफिक स्वयमसेवक’ बनाउन नहुने बताएका छन्।

मादक पदार्थ सेवन (मापसे) गरेर सवारी साधान चलाएमा सजायस्वरुप ट्राफिक स्वयमसेवक बन्नुपर्ने नियमप्रति आपत्ति जनाउँदै हाछेथुले कसैलाई बलजफती ट्राफिक स्वयमसेवक बनाउन नहुने बताएका हुन्।

बिएल नेपाली सेवासँग कुराकानी गर्दै हाछेथुले भने, ‘काेही पनि बलजफती स्वयमसेवक बन्नु हुँदैन। स्वयमसेवक भनेकाे आफूलाई मन लागेर गर्ने काम हाे।’

करिब २९ वर्ष उपत्यकामा ट्राफिक प्रहरीकाे रुपमा काम गरेका हाछेथुले लामाे तालिमपछि काम गर्नेलाई त ट्राफिक व्यवस्थापन गर्न गाह्राे हुने उल्लेख गरे। ‘जाे मान्छेले आफैँ गल्ती गरेकाे छ, उसलाई नै त्यहाँ पठाउँदा उसले के सिकाउने?’, उनले प्रश्न गरे।

ट्राफिक नियम उलङ्घनकाे सामान्य गल्तीलाई अपराधीलाई जसरी सजाय दिन खाेजिएकाे उनकाे टिप्पणी रहेकाे छ।

भिडियाे: