अफ्रिकी मुलुक इथियोपियाको बिसोफ्टुमा भएको विमान दुर्घटनामा ज्यान गुमाउने नेपाली एकता अधिकारी भएको पुष्टी भएको छ । गोरखा घर भएकी अधिकारी विश्व खाद्य कार्यक्रम (डब्लुएफपी) इथियोपियामा कार्यरत रहेको बताइएको छ।
अधिकारीको मृत्यु भएको पुष्टि डब्लुएफपी इथियोपियाका कन्ट्री डाइरेक्टर स्टेभेन वेर ओमामोले गरेका छन् ।उनले दुर्घटनाको जानकारी परिवारका सदस्यलाई गराइसकेको पनि बताए।
इथियोपियाको अदिस अबाबाबाट केन्याको नैरोबीका लागि १४९ यात्रु र चालकदलका ८ सदस्य लिएर आइतबार उडेको विमान दुर्घटनामा हुँदा विमानमा रहेका सबैको मृत्यु भएको थियो। दुर्घटनामा नेपाललगायत ३२ मुलुकका नागरिक रहेको ‘इथियोपियन एअरलाइन’ ले जनाएको छ।
