वैदेशिक रोजगारी तथा अन्य विविध कारणले विदेशमा पुगेका ठूलो संख्याका नेपाली अहिले स्वदेश फर्किने उपायको खोजीमा रहेका छन् । 

विश्वव्यापी महामारीको रुपमा फैलिएको कोरोनाभाइरस र त्यसपछिको लकडानका कारण रोजगारी गुमाएर तथा उडान नहुँदा विदेशमै अड्किन पुगेका उनीहरु समस्यामा परेका हुन् । समस्यामा परेका त्यस्ता नागरिकको गुनासोलाई सम्बोधन गर्नेगरी सरकारले पहिलो चरणमा २४ हजार हाराहारीका नेपाली स्वदेश फर्काउने योजना बनाएको छ ।

जसअनुसार धमाधम नेपालीको उद्दारको नाममा बुकिङ सुरु गरिएपनि चर्को भाडादर कायम भएको भन्दै विरोध सुरु हुन थालेको छ । 

विशेषगरी फर्किन चाहने खाडी मुलुक र मलेसियामा कार्यरत श्रमिकमध्ये धेरैले रोजगारी गुमाएको अवस्थामा त्यतिधेरै रकम खर्च गर्न सक्ने अवस्था नै नभएको र उद्धारको नाममा चर्को भाडादर कायम गरेर व्यापारलाई प्रसय दिइएको भन्दै आलोचना भएको हो ।