मोटरसाइकल चोरी तथा विक्री वितरण गरेको अभियोगमा ३ जनालाई प्रहरीले पक्राउ गरेको छ।
पक्राउ पर्नेमा धादिङ गजुरी गाउँपालिका ४ का २५ वर्षीय राजन लामा, नुवाकोट दुप्चेश्वर गाउँपालिका ५ घर भई भक्तपुर सूर्यविनायक नगरपालिका १ स्थित विन्दबासिनी मोटरसाइकल वर्कसप संचालक २९ वर्षीय सुनिल तामाङ र पर्सा वीरगंज राधेमाई नगरपालिका ६ घर भएका सोही वर्कसपका संचालक २० वर्षीय पप्पु पटेल रहेका छन्।
प्रहरीले उनीहरुको साथबाट चोरी गरेको बा ९५ प ६४०५ ७२ र प ७९४९ नम्बरको मोटरसाइकल बरामद गरेको छ।
उपत्यकाबाट चोरी भएका मोटरसाइकल सोही वर्कसपमा ल्याएर कारोबार गर्ने गरेको प्रहरी अनुसन्धानबाट खुलेको छ। प्रहरीले उनीहरुलाई थुनामा राखि आवश्यक अनुसन्धान अघि बढाएको जनाएको छ।
