मन्त्रिपरिषद् विस्तारका विषयमा छलफल गर्न बसेकाे सत्तासाझेदार दलहरुको बैठक निष्कर्षविहीन टुंगिएको छ।
मंगलबार प्रधानमन्त्री निवास बालुवाटारमा बसेकाे सत्तासाझेदार १० दलको बैठकमा मन्त्रालय भागबण्डामा सहमति जुट्न नसकेपछि निष्कर्षविहीन भएकाे हाे।
बुधबार बिहान ९ बजे पुनः बैठक बसेर मन्त्रिपरिषद् विस्तारमा सहमति जुटाउने प्रयास गरिने जनाइएको छ।
सत्ता गठबन्धनमा आबद्ध दलहरु सहमतिमा पुग्न नसक्दा सरकार विस्तारमा ढिलाइ भइरहेको छ।
