शुक्रबार, २० नोभेम्बर २०२६

हेलिकोप्टर चढेर बाग्लुङ पुगेका देउवाले भने ‘लिनुपर्ने केही छैन, बाँकी जीवन देशकै लागि…’

बिएल संवाददाता

बिएल संवाददाता

काठमाडाैं
News Image
• • •

नेपाली काँग्रेसका पूर्वसभापति शेरबहादुर देउवाले अब बाँकी जीवन देश र जनताको लागि समर्पण गरिसकेको बताएका छन्। शुक्रबार आफ्नो समूहले समानान्तररुपमा गरिरहेको बाग्लुङ जिल्ला अधिवेशनको उद्घाटन गर्न पुगेका उनले आफूनिकट कार्यकर्ताहरूलाई सम्बोधन गर्दै यस्तो बताएका हुन्।

अधिवेशनस्थलमा उनि निजी हेलिकोप्टर चढेर पुगेका थिए। जीवनमा अब लिनुपर्ने केही बाँकी नरहेको बताउँदै उनले जीवन रहेसम्म देश जनताकै लागि काम गर्ने बताए।

‘डडेलधुराको साधारण परिवारमा जन्मेको व्यक्ति हुँ। पाँच पटक प्रधानमन्त्री पाइसकेँ, मलाई जनताले दिइसक्नुभयो। मैले केही पाउनु पनि छैन। मैले आफ्नो जीवन रहेसम्म देशलाई दिने हो, जनतालाई दिने हो। अब दिनुपर्ने मात्रै छ’ देउवाले भने ‘मेरो जीवन रहुन्जेलसम्म नेपाली जनता, प्रजातन्त्र र लोकतान्त्रिक गणतन्त्रका लागि आफ्नो सम्पूर्ण जीवन समर्पण गर्ने चाहन्छु।’

पार्टीको आधिकारिकता सर्वोच्च अदालतले आफ्नो समूहलाई नै आधिकारिकता विश्वास पनि देउवाको छ।

‘हिजो मलाई पञ्चायतकालमा थुनेर राखेको थियो। त्यो बेला अदालतले हिम्मत गरेर मलाई छोड्यो। पूर्वराजा ज्ञानेन्द्रको बेलामा पनि शाही आयोग गठन गरेर मलाई थुनेको थियो’ उनले भने ‘राजा अगाडि सर्वोच्च अदालत पनि डराए। सर्वोच्चले हिम्मत गर्‍यो, मलाई जेलबाट छोडेको हो। मलाई विश्वास छ, सर्वोच्च अदालतबाट पूरापूरा न्याय पाइनेछ।’

 

• • •

प्रतिक्रिया

प्रतिक्रिया ()

टिप्पणीहरू छैनन्। तपाईं पहिलो बन्नुहोस्!