BreakNLinks

बिहिबार, १५ अक्टोबर २०२६

राजनीति

ओलीको एक ‘कल’मै बालुवाटार पुगिन् विन्दा, होला त निलम्बन फुकुवा?

नेकपा एमालेबाट निलम्बित नेतृ विन्दा पाण्डे अध्यक्ष एवं प्रधानमन्त्री केपी शर्मा ओलीलाई भेट्न बालुवाटार पुगेकी छन्। ओलीले नयाँवर्षको शुभकामना दिन नेताहरूलाई फोन घुमाउने क्रममा नेतृ पाण्डेलाई पनि फोन लगाएका थिए। नयाँवर्षको शुभकामना दिँदै ओलीले भेट्न बोलाएपछि पाण्डे बालुवाटार पुगेकी हुन्। भेटघाटका क्रममा पाण्डेले आफूलाई निलम्बन गरिएको खबर पाएपनि हालसम्म पत्र नपाएको र निलम्बन सकिएको वा नसकिएको भन्ने विषयमा जिज्ञासा राखेकी एमालेका एक नेताले बताउँछन्।

बिएल संवाददाता

बिएल संवाददाता - काठमाडौं

भ्रष्टाचारी, विचौलिया र दलालहरू मिलेर मलाई सरकारबाट हट्न बाध्य पारे: प्रचण्ड

नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले भ्रष्टाचारी, विचौलिया र दलालहरू मिलेर आफूलाई सरकारबाट बाहिर जान बाध्य पारेको बताएका छन्। हुलाकी लोकमार्ग केन्द्रीत जनतासँग माओवादी तराई-मधेस जागरण अभियान अन्तर्गत नवलपुर कावासोतीमा आयोजित खबरदारी सभालाई सम्बोधन गर्दै प्रचण्डले भ्रष्टाचार विरोधी अभियान, सामाजिक न्यायको अभियान र आर्थिक विकासको अभियान चलाउँदैगर्दा आफूलाई संविधान मिचेर रातको अध्याँरोमा छलछाम र जालझेलको तरिकाले षडयन्त्र गरेर संख्याको बलमा सरकारबाट बाहिर पुर्‍याउने काम गरेको बताएका हुन्। उनले भने, ‘भ्रष्टाचार विरोधी, सामाजिक न्याय र आर्थिक विकासको अभियान चलाउँदै गर्दा भ्रष्टाचारीहरु, विचौलिया, दलालहरू मिलेर हामीलाई सरकारबाट बाहिर जान बाध्य पारियो। संविधान मिचेर रातको अँध्यारोमा छलछाम र जालझेलको तरिकाले षडयन्त्र गरेर संख्याको बलमा सरकारबाट बाहिर पुर्‍याउने काम गरेका छन्।’

बिएल संवाददाता

बिएल संवाददाता - कावासोती

ओली सरकारप्रति पार्टीभित्र असन्तुष्टि बढेपछि देउवाले डाके ‘केन्द्रीय कार्यसमिति बैठक’

नेपाली कांग्रेसले केन्द्रीय कार्यसमितिको बैठक बोलाएको छ। सभापति शेरबहादुर देउवाले वैशाख १७ गते दिउँसो १ बजे बस्नेगरी बैठक बोलाएका मुख्यसचिव कृष्णप्रसाद पौडेलले जानकारी दिए। बैठक पार्टीको केन्द्रीय कार्यालय सानेपामा बस्नेछ।  बैठकमा केन्द्रीय कार्यसमितिका पदाधिकारी, सदस्य एवं आमन्त्रित सदस्यहरूको उपस्थितिका लागि निर्देशानुसार अनुरोध भएको पौडेलले बताए। पछिल्लो समय ओली सरकारको काम कारबाहीप्रति कांग्रेसका नेताहरूले असन्तुष्टि जनाउँदै आएका छन्। नेताहरूको असन्तुष्टि बढ्दै गएपछि देउवाले कार्यसमिति बैठक डाकेका हुन्।

बिएल संवाददाता

बिएल संवाददाता - काठमाडौं

त्रिविको निमित्त ‘उपकुलपति’को जिम्मेवारी डा. केसीलाई

प्रधानमन्त्री एवं कुलपति केपी शर्मा ओलीले त्रिभुवन विश्वविद्यालयको रिक्त उपकुलपतिमा शिक्षाध्यक्ष प्रा.डा. खड्ग केसीलाई निमित्तको जिम्मेवारी दिएका छन्। उपकुलपतिको पदपूर्ति नभएसम्मका लागि त्रिभुवन विश्वविद्यालय ऐन, २०४९ को दफा २१ (ख) बमोजिम कुलपति ओलीको गत चैत ३१ गतेको निर्णयानुसार केसीलाई उक्त जिम्मेवारी तोकेका हुन्। त्रिवि ऐनअनुसार निमित्त उपकुलपतिको जिम्मेवारी बढीमा तीन महिनाको हुने व्यवस्था छ। विश्वविद्यालयका उपकुलपति प्रा.डा. केशरजंग बरालले राजीनामा दिएपछि उक्त पद रिक्त छ। बरालको राजीनामा गत चैत २८ गते स्वीकृत भएको थियो।

बिएल संवाददाता

बिएल संवाददाता - काठमाडौं

ओली-देउवाबीच भेटवार्ता, प्रधानमन्त्रीले बोलाए आकस्मिक मन्त्रिपरिषद बैठक

प्रधानमन्त्री केपी शर्मा ओली र कांग्रेस सभापति शेरबहादुर देउवाबीच भेटवार्ता भएको छ। प्रधानमन्त्रीको सरकारी निवास बालुवाटारमा दुई नेताबीच भेटवार्ता भएको हो। करिब एक घण्टा भएको भेटवार्ता नियमित छलफलको निरन्तरता रहेको प्रधानमन्त्रीको सचिवालयले जनाएको छ। सरकारको रवैयाप्रति कांग्रेसकै नेताहरूले असन्तुष्टि जनाइरहेका बेला ओली-देउवाबीच छलफल भएको हो। दुई नेताबीच एकजुट भएर सरकारको कामको प्रभावकारीता बढाउने बारेमा छलफल भएको र बाहिर भनेजस्तो दुई पार्टीबीच कुनै समस्या नरहेको प्रधानमन्त्रीको सचिवालयले जनाएको छ।

बिएल संवाददाता

बिएल संवाददाता - काठमाडौं

शिक्षक अगुवासँग कांग्रेस महामन्त्रीद्वयको छलफल, माग सम्बोधनमा पहल गर्ने आश्वासन

नेपाली कांग्रेसका महामन्त्रीद्वय गगन थापा र विश्वप्रकाश शर्मा आन्दोलनरत शिक्षकहरूसँग छलफलमा जुटेका छन्। सरकारले शिक्षकहरूको माग सम्बोधनमा चासो नदिएको भन्दै कांग्रेसभित्र असन्तुष्टि बढिरहेका बेला महामन्त्रीद्वयले शिक्षक अगुवाहरूलाई सानेपा बोलाएर छलफल गरेका हुन्। यतिबेला देशभरका शिक्षकहरू विद्यालय शिक्षा ऐनको माग राख्दै काठमाडौं केन्द्रीत आन्दोलनमा छन्। महामन्त्रीद्वयले शिक्षकका माग सम्बोधनका लागि पहल गर्ने प्रतिवद्धता जनाएका छन्। कांग्रेस निकट शिक्षकहरूले केही दिनअघि सभापति शेरबहादुर देउवालाई भेट्न निवासमै पुगेका थिए।

बिएल संवाददाता

बिएल संवाददाता - काठमाडौं

कक्षा १२ को परीक्षामा सहयोग नगर्ने शिक्षक महासंघको निर्णय, के होला अब?

नेपाल शिक्षक महासंघले आगामी बैशाख ११ गतेबाट हुने कक्षा १२ को परीक्षामा केन्द्राध्यक्ष, निरीक्षक लगायत कुनै पनि काममा संलग्न नहुन शिक्षकहरूलाई अपिल गरेको छ। महासंघले काठमाडौं केन्द्रीत शैक्षिक सडक आन्दोलनको अवधिभर शैक्षिक गतिविधिमा संलग्न नहुन आग्रह गरेको हो। महासंघका अध्यक्ष लक्ष्मीकिशोर सुवेदीले गरेको पत्रचारमा भनिएको छ, ‘उत्तरपुस्तिका परीक्षण, नतिजा प्रकाशन, प्रवेश परीक्षा, विद्यार्थी भर्ना, तालिम, गोष्ठी, सेमिनार, शैक्षिक भ्रमणजस्ता कुनैपनि काममा संलग्न नहुन प्रअ तथा शिक्षक-कर्मचारीहरूलाई आग्रह गर्दछौ।’ उनले यो आन्दोलनलाई सहयोग गर्न सबैलाई अनुरोध समेत गरेका छन्। ‘शिघ्र शिक्षा ऐन जारी गराइ विद्यालय शिक्षाको उचित व्यवस्थापन र गुणस्तर विकासका लागि गरिएको यस आन्दोलनलाई सहयोग तथा समर्थन गरी दिनुहुन विद्यार्थी, अभिभावक, विद्यालय व्यवस्थापन समिति, गाउँ/नगरपालिका तथा सबै शैक्षिक सरोकार पक्ष समक्ष अनुरोध गर्दछौ’ उनले लेखेका छन्।

बिएल संवाददाता

बिएल संवाददाता - काठमाडौं

कांग्रेस एमालेसँग मिसिन गएको होइन, फोहोर सफा गर्न गएको होः गगन थापा

नेपाली कांग्रेसका महामन्त्री गगन थापाले एमालेसँग सहकार्य गर्दा अपेक्षित रुपमा जनताले चाहेका काम पूरा नभएको भन्दै असन्तुष्टि व्यक्त गरेका छन्। मंगलबार काठमाडौंमा बौद्धिक पेसाकर्मी अभियान परिषदले आयोजना गरको नयाँ वर्षको शुभकामना आदान-प्रदान कार्यक्रममा बोल्दै उनले दुई ठूला पार्टी मिलेर सरकार बनाइसकेपछि संविधानमा केही कुराहरू बदलाव ल्याउने कुरा तुरुन्त प्रारम्भ हुन्छ भन्ने आशा भएपनि त्यो पूरा हुन नसकेको बताए। उनले भने, ‘कांग्रेसले भरोसा दिन सकेको छैन। नेकपा एमालेसँग मिलेर सरकारमा गयौं। एमालेसँग मिलेर सरकार गएपछि के ठानेका थियौं भने दुई ठूला पार्टी मिलेर सरकार बनाइसकेपछि संविधानका पनि केही कुराहरूमा बदलाव ल्याउने कुरा तुरुन्त काम प्रारम्भ गर्छौं। खासगरी गभर्नेन्समा व्यापक सुधार गर्छौं भन्ने थियो। त्यो पनि ढिला भएको छ।’

बिएल संवाददाता

बिएल संवाददाता - काठमाडौं

ज्ञानेन्द्र शाहलाई ‘कीर्ते र जालसाजी’ मुद्दा लगाउन सांसद थापाको माग

पूर्व राजा ज्ञानेन्द्रले नयाँ वर्षमा पनि शुभकामना सन्देश दिएका थिए। उनले त्यसमा चैत १५ गतेको घटनामा आफू दूखी भएको भन्दै ‘मुलुकको समग्र संरचना फेर्न’ पनि आह्वान गरेका छन्। त्यसअघि फागुन ७ मा उनले दिएको सन्देशले ल्याएको तरंग सेलाउन नपाउँदै फेरि उनले अर्को सन्देश दिएका हुन्।

बिएल संवाददाता

बिएल संवाददाता - काठमाडाैँ

मदनको सपना पूरा गर्ने अठोट फेरि दोहोर्‍याउनु पर्ने भयो : विद्या भण्डारी

पूर्व राष्ट्रपति विद्यादेवी भण्डारीले मदन भण्डारीको सपना पूरा गर्ने अठोट फेरि एकपटक दोहोर्‍याउनु पर्ने बेला भएको बताएकी छन्। सोमबार नयाँ वर्ष २०८२ सालको शुभकामना सन्देश जारी गर्दै उनले सो कुरा बताएकी हुन्।

बिएल संवाददाता

बिएल संवाददाता - काठमाडौँ

युक्रेनले बोलायो ट्रम्पलाई

चुनावी अभियानकै बेला रुस-युक्रेन युद्ध रोक्ने बाचा गरेका ट्रम्पले त्यसपछि पनि लगातार प्रयास गरिरहेका छन्। एक तहसम्म युद्ध रोक्न युक्रेन तयार भए पनि रुस भने असन्तुष्ट छ। रुसलाई फकाउनका लागि ट्रम्पले निरन्तर आफ्ना दूतहरू मस्को पठाइरहेका छन्।

बिएल संवाददाता

बिएल संवाददाता - काठमाडाैँ

शेखरको चिन्ताः कांग्रेस ‘सुकिला-मुकिला’ र पैसावालाहरूको कब्जामा जाने खतरा बढ्यो

नेपाली कांग्रेस नेता डा. शेखर कोइरालाले पार्टी सुकिला मुकिला र पैसावालाहरूको कब्जामा जाने खतरा रहेको बताएका छन्। नयाँ वर्ष २०८२ अवसरमा शुभकामना सन्देश जारी गर्दै उनले कांग्रेसका इमान्दार, निःस्वार्थी र स्वाभिमानी नेताहरूको सक्रियताविना पार्टीमा इमान र नैतिकताको राजनीतिक भावधारा बगाउन सम्भव नभएको बताए। उनले भनेका छन्, ‘पार्टीको अगुवाइमा ‘क्याम्पेन फर क्लिन पोलिटिक्स’को अभियान नचलाई बस्ने हो भने बीपी कोइरालाले भन्नु भए झैं कांग्रेस पार्टी सुकिला मुकिला र पैसावालाको कब्जामा जाने खतरा छ। र, म त्यो देख्दैछु।’

बिएल संवाददाता

बिएल संवाददाता - काठमाडौं

माओवादीको जागरण अभियान पुनः सुरु, पूर्वउपराष्ट्रपति नन्दबहादुर पनि जोडिए

नेकपा (माओवादी केन्द्र)को पूर्व-पश्चिम हुलाकी लोकमार्ग केन्द्रीत ‘जनतासँग माओवादी तराई मधेस जागरण अभियान’ नयाँ वर्षको पहिलो दिनबाट पुनः सुरु भएको छ। अध्यक्ष पुष्पकमल दाहाल (प्रचण्ड) नेतृत्वको जागरण अभियान टिम सोमबार नवलपुरको गैंडाकोट पुगेका छन्। अभियान टिमलाई गैंडाकोटमा स्वागत गरिएको छ। अध्यक्ष प्रचण्ड लगायतका नेताहरू आज र भोलि नवलपुरका जनतासँग रहेछन्। जागरण अभियानमा आजबाट पूर्वउपराष्ट्रपति नन्दबहादुर पुन पनि मिसिएका छन्। उनलाई गतसाता पार्टीको पदाधिकारी बैठकले उपाध्यक्षमा मनोनीत गरेको थियो।

बिएल संवाददाता

बिएल संवाददाता - नवलपरासी

कांग्रेसमा ‘भाइरल’ हुन जेपनि बोल्ने प्रवृत्ति बढ्योः आरजु राणा

परराष्ट्रमन्त्री डा. आरजु राणा देउवाले नेपाली कांग्रेसभित्र आफू भाइरल हुने नाममा अर्कालाई दोषारोपण गर्ने प्रवृत्ति बढेको बताएकी छन्। इलामको श्रीअन्तुमा नेपाली कांग्रेस जिल्ला कार्यसमिति इलामले आयोजना गरेको अग्रज कार्यकर्ता भेटघाट एवं अन्तर्क्रिया कार्यक्रमलाई सम्बोधन गर्दै राणाले नेताहरूको यस्तो प्रवृत्तिले पार्टीका केन्द्रदेखि तल्लो तहसम्मका कार्यकर्ताहरूमा निराशा पैदा गर्ने बताइन्। उनले भनिन्, ‘आफूले मिडियामा कभरेज पाउनकै लागि कतिपय नेता एवं पार्टीकै विरुद्धमा पनि बोल्ने गरेको देखिन्छ। यसले कुनै व्यक्ति मिडियामा भाइरल त होला। तर, त्यसले पार्टीलाई कति क्षति पुग्छ भन्ने कुराको पनि हिसाब गर्नुपर्ने हो।’ राणाले अरू पार्टीहरू मिसन ०८४ मा लागिसक्दा कांग्रेसका नेताहरू भने आपसी विवादमै रुमलिएको बताइन्। त्यस्तै उनले कांग्रेस सरकारमै हुँदापनि कांग्रेसकै नेताहरूले सरकारको विरोध गरिरहेको भन्दै असन्तुष्टि जनाइन्।

बिएल संवाददाता

बिएल संवाददाता - इलाम

जनताले चाहेको तिव्र विकासको आकांक्षा पूरा गर्नु सबैको दायित्व हो: राष्ट्रपति पौडेल

राष्ट्रपति रामचन्द्र पौडेलले नेपाली जनताले चाहेको तिव्र विकासको आकांक्षा पूरा गर्नु सबैको साझा दायित्व भएको बताएका छन्। सोमबार नगरकोट भ्रमण वर्ष २०८२ शुभारम्भ समारोहलाई सम्वोधन गर्दै राष्ट्रपति पौडेलले न्यून आर्थिक वृद्धिको चक्रबाट मुक्ति लिँदै नेपाली अर्थतन्त्रमा सुधार गरी संघीय लोकतान्त्रिक गणतन्त्रको सुदृढीकरणसहित नेपाली जनताले चाहेको तिव्र विकासको आकांक्षा पूरा गर्नुपर्ने बताएका हुन्। ‘पर्यटन, कृषि, जलस्रोत, ऊर्जा, सूचना प्रविधि र उद्योगधन्दा मुलुकको अर्थतन्त्रको मूल मेरुदण्ड हो। आर्थिक वृद्धिका यी क्षेत्रमा विद्यमान समस्या हटाएर उपयुक्त नीति, कानुन र अवसरको सिर्जना गर्नु राज्यको प्राथमिक दायित्व हो। रोजगारीका अवसर सिर्जना, लगानीयोग्य वातावरण निर्माण, उत्पादनको लागत घटाएर प्रतिस्पर्धा प्रवर्द्धन गरी औधोगिकरणलाई बढावा दिनु पनि उत्तिकै जरुरी छ।’ राष्ट्रपति पौडेलले सांस्कृतिक, ऐतिहासिक, धार्मिक धरोहरलाई आर्थिक विकासमा रुपान्तरण गर्न पूर्वाधारको विकास र कौशल बढाउनुपर्ने र यस क्षेत्रको विशिष्टता, प्राकृतिक सौन्दर्य, संस्कृति, सभ्यतालाई नेपाल र विश्व पर्यटन बजारमा प्रवर्द्धन गरी पर्यटन क्षेत्रलाई आय आर्जन र समृद्धिको आधारको रूपमा स्थापित गर्न सकिने प्रचुर संभावना रहेको पनि उल्लेख गरे।

बिएल संवाददाता

बिएल संवाददाता - काठमाडौं

माओवादी केन्द्र र चिनियाँ कम्युनिष्ट पार्टीबीच ‘पार्टी स्कुल’ व्यवस्थित गर्ने समझदारीपत्रमा हस्ताक्षर

नेकपा माओवादी केन्द्र र चिनियाँ कम्युनिष्ट पाटी (सीपीसी)बीच पार्टीस्कुल संचालनसम्बन्धी समझदारीपत्रमा हस्ताक्षर भएको छ। चीनको छोङछिङ भ्रमणमा रहेको माओवादी केन्द्रको प्रतिनिधिमण्डलले आज सीपीसीको छोङछिङ नगर कमिटीसँग पार्टी स्कुल संचालनसम्बन्धी समझदारी पत्रमा हस्ताक्षर गरेको हो। समझदारीपत्रमा माओवादी केन्द्रको तर्फबाट केन्द्रीय सदस्य ओमप्रकाश पुन र सीपीसीको तर्फबाट पार्टीस्कुलका प्रतिनिधिले हस्ताक्षर गरेका छन्। माओवादी केन्द्रका सचिव दीनानाथ शर्मा र सीपीसीको नेपाल र भारत हेर्ने अन्तर्राष्ट्रिय ब्यूरो १ का निर्देशक चाङ जुईछिङको उपस्थितिमिा सो हस्ताक्षर भएको हो। समझदारीमा दुवै पक्षले पार्टी निर्माण र राज्यको शासन सञ्चालनमा पारस्परिक सिकाइ र अनुभव आदानप्रदानलाई गहिरो बनाउने प्रतिवद्धता जनाएका छन्। दुवैपक्षले पार्टी निर्माण, र क्याडर प्रशिक्षण जस्ता क्षेत्रमा हालसम्म प्राप्त व्यावहारिक उपलब्धिको माध्यमबाट आ-आफ्ना पार्टीहरूको राम्रो र छिटो विकासलाई प्रवर्द्धन गर्न सहमत भएका छन्।

बिएल संवाददाता

बिएल संवाददाता - काठमाडौं

‘सरकार फेरिन लागेको’ प्रचण्डको अभिव्यक्तिप्रति एमालेको आपत्ति

माओवादी केन्द्रका अध्यक्ष प्रचण्डले आइतबार चितवनमा नयाँ वर्षसँगै सरकार फेरिने भनेर दिएको अभिव्यक्ति एमालेले खारेज गरेको छ। ज्ञवालीले भने, ‘प्रचण्डले फेरि सरकार परिवर्तनको हल्ला गरिरहनुभएको छ। यो सरकार बाहिर हुँदाको एक खालको कुण्ठा र पीडाबोध प्रकट हुन्छ। अहिले सरकार परिवर्तन न कतैबाट सम्भव र सान्दर्भिकता छ न औचित्य छ। राष्ट्रिय राजनीतिको अरु यावत कुरा छाडेर सरकार परिवर्तनको कुरामात्र गर्नु भनेको सत्तामोह बाहेक अरु केही पनि होइन। त्यसले भ्रम सिर्जना गर्ने कोसिस भएको छ त्यसलाई हामीले खण्डन गरेका छौं।’ अझै ‘बेटर पर्फर्मेन्स’ का लागि सरकारलाई भनिरहेको भन्दै उनले थपे, ‘केही कमीकमजोरीलाई आधार मानेर कोही व्यवस्था नै पल्टाउन कोसिस गर्ने अर्काथरी सरकार परिवर्तनको ध्यानमा मात्र जाने अस्थिरताका प्रयत्न हुन्। ती गलत छन्। सफल हुँदैनन्।’

बिएल संवाददाता

बिएल संवाददाता - काठमाडौं

इलाममा चिया टिप्दै १५ देशका राजदूतहरू, ‘पर्यटन दूत’ बन्न परराष्ट्रमन्त्री राणाको आग्रह

नयाँवर्ष २०८२ मनाउन परराष्ट्रमन्त्री आरजु राणा देउवासहित करिब १५ देशका राजदूत एवम कुटनीतिज्ञहरु इलाममा छन्। मन्त्रालयको नियमित कार्यक्रम अन्तर्गतको ‘डिप्लोम्याटिक रिट्रिट’का लागि उनीहरु यस पटक इलाम पुगेका हुन्। आइतबार इलामको कन्याम पुगेर सांस्कृति पहिरनसहित घोडा सवार गरेका उनीहरु सोमबार अन्तु भ्रमणमा छन् । सोमबार बिहान अन्तुडाँडामा पुगेर सूर्योदय दृश्यावलोकन गरेका उनीले अन्तु पोखरीमा डुंगा सयर पनि गरे। डुंगा सयरपछि चियाबारीमा उत्रिएका उनीहरुले मौलिक पारामा चिया टिपेर मनोरञ्जन समेत लिएका छन् । डाडाँमा चिया टिपेर चोयाको डालोमा लगाएर रमाइलो गरिरहेका उनीहरुले नेपालमा चिया पर्यटनको चर्चा समेत गरेका छन् । परराष्ट्र मन्त्रालयका सचिव अमृतबहादुर राईसहित सबै राजदूतहरुले चिया बगान छिरेर आधा घन्टासम्म चिया टिपेका थिए । ‘सबै राजदुतहरुले फरक अनुभव लिए । नेपालीहरुले चिया टिप्ने शैली उनीहरुले बुझ्ने मौका पाए । चिया कसरी तयार गरिन्छ भन्ने जानकारी समेत लिए,’सचिव राईले भने ।

बिएल संवाददाता

बिएल संवाददाता - इलाम

शिक्षकहरूको नयाँवर्षः सडकबाटै शुभकामना आदानप्रदान

नयाँ शिक्षा ऐनको माग गर्दै काठमाडौं केन्द्रीत आन्दोलनमा रहेका शिक्षक तथा विद्यालय कर्मचारीहरूले नयाँवर्ष २०८२ सडकमै मनाएका छन्। जारी आन्दोलनको कार्यक्रमकै सिलसिलामा शिक्षकहरूले सडकबाटै शुभकामना आदानप्रदान गरेका हुन्। यथाशीघ्र विद्यालय शिक्षा ऐन जारी गर्नुपर्ने मागसहित आन्दोलन गर्दै आएका उनीहरूले नयाँ वर्षका दिन आन्दोलनलाई निरन्तरता दिँदै नयाँ वर्ष सडकमै मनाएका हुन्। नेपाल शिक्षक महासंघले यसपालीको नयाँ वर्ष सडकमा नै मनाउने गरी सर्कुलर गरेको थियो। आन्दोलनमा आएका शिक्षकहरूले प्रदेशस्तरीय अलग-अलग शुभकामना आदनप्रदान कार्यक्रम पनि राखेका छन्।

बिएल संवाददाता

बिएल संवाददाता - काठमाडौं

पर्यटन साहित्य महोत्सवः ‘कन्टेन्ट क्रिएटर’मार्फत पर्यटन प्रवर्द्धन गर्ने प्रयास

आन्तरिकसँगै बाह्य पर्यटकलाई आकर्षित गर्ने उदेश्यले आयोजना गरिएको कार्यक्रममा पूर्वमन्त्री तथा प्रतिनिधिसभा सदस्य एनपी साउदले युवाको सक्रियताले पर्यटकीयस्थललाई प्रवर्द्धन गर्न सकिने बताए। ‘लोकप्रिय बनिरहेको ट्रेकिङका लागि अहिले काठमाडौं उपत्यकाका सबैतिर अन्तर्राष्ट्रियस्तरका पदमार्ग छन्, हामीले घुमघाम गर्ने शैलीलाई बढाउनुपर्छ। आफ्नो आन्तरिक पर्यटकीयस्थललाई सामाजिक सञ्जालमार्फत प्रवर्द्धन गर्नुपर्छ। त्यसले हामीलाई नयाँ गन्तव्यका बारेमा जानकारी दिन्छ,’ पूर्वमन्त्री साउदले भने। उनले विशेषत सामाजिक सञ्जालमा सक्रिय रहेका ‘कन्टेन्ट क्रिएटर’लाई पर्यटकीय सम्भावना भएका स्थलका विषयमा सामाजिक सञ्जालमार्फत प्रवर्द्धन गर्न आग्रह गरे।

बिएल संवाददाता

बिएल संवाददाता - काठमाडौं

ट्रेन्डिङ