अमेरिकामा खुल्यो ८५ हजार कामदारका लागि भिसा, यसरी भर्नुहोस् अनलाइन फर्म

अमेरिकामा खुल्यो ८५ हजार कामदारका लागि  भिसा, यसरी भर्नुहोस् अनलाइन फर्म

अमेरिकी कामदार भिसा 'एचवान बी’ का लागि आइतबारदेखि अनलाइन आवेदन दर्ता खुल्ने भएको छ।

आर्थिक वर्ष २०२१ का लागि खुल्ने उक्त भिसाका 'एचवान बी’  अमेरिकी पूर्वीय समयअनुसार मार्च १ दिउँसो १२ बजेदेखि मार्च २० दिउँसो १२ बजेसम्म अनलाइन दर्ता खल्ला हुन लागेको हो।

युएस सिटिजन्स एण्ड इमिग्रेसज सर्भिस (युएससीआईएस) का अनुसार अमेरिकाले यस्तो सुविधा पहिलोपटक प्रदान गर्न लागिएको हो।

के छ प्रकृया?

उच्च शिक्षा प्राप्त गरेका एचवानबी कामदारका लागि यो बर्षदेखि नयाँ प्रकृयाको थालनी हुन लागेको हो। पहिलोपटक अमेरिकी रोजगारदाताले क्षमतावान उच्च शिक्षा प्राप्त कामदारहरुका लागि अनलाइनमार्फत रजिस्ट्रेशन गर्न पाउने भएका छन्।

ब्याचलर डिग्री गरेकाका लागि ६५ हजारको कोटा रहेको छ भने अमेरिकामा मास्टर्स डिग्री गरेकाका लागि २० हजारको कोटा रहेको छ। तर अमेरिकामा मास्टर्स डिग्री गरेकाहरुले ६५ हजारको कोटामा समेत भाग लिन पाउने प्रावधान राखिएको छ।

अनलाईन फर्म दर्ता गर्न १० डलर शुल्क लाग्नेछ। यसपछि युएससीआईएसले कन्फर्मेशन नम्बर उपलब्ध गराउनेछ।

कामदार भिसाका लागि ईच्छुक आवेदकले अनलाइनमार्फत दर्ता गराउनका लागि युएससीआईएसको अनलाइन एकाउन्टको प्रयोग गनुपर्ने छ। यसरी अनलाइन प्रणालीबाट छनोट भएकाको नाम मार्च ३१ मा सूचित हुनेछ।

पूर्ण जानकारीका लागि युएससीआईएस

https://www.uscis.gov/news/alerts/initial-h-1b-registration-period-opens-noon-eastern-march-1

प्रकाशित मिति: Feb 29, 2020 23:46:57

प्रतिक्रिया दिनुहोस

सबै