प्रधानमन्त्री केपी शर्मा ओलीसँग सुर्खेतबाट खाली खुट्टा हिँडेर काठमाडौंसम्मको यात्रा पूरा गरेका अभियानकर्मी नवराज बोहराले भेटवार्ता गरेका छन्। बोहराले आइतबार प्रधानमन्त्री निवास, बालुवाटारमा प्रधानमन्त्रीसँग भेटवार्ता गरेको प्रधानमन्त्रीको सचिवालयले जनाएको छ।
बिएल संवाददाता - काठमाडौं
पशुपतिस्थित विद्युतीय शवदाह गृहको उपकरण खरिदमा भ्रष्टाचार गरेको अभियोगमा पशुपति क्षेत्र विकास कोषका सदस्य सचिव मिलन थापासहित १६ जनाविरुद्ध भ्रष्टाचार मुद्दा दायर भएको छ। अख्तियार दुरुपयोग अनुसन्धान आयोगले आइतबार उनीहरूविरुद्ध विशेष अदालतमा भ्रष्टाचार मुद्दा दायर गरेको अख्तियारका प्रवक्ता राजेन्द्रकुमार पौडेलले जानकारी दिए।
बिएल संवाददाता - काठमाडौं
नेपाली कांग्रेसका महामन्त्री गगन थापाले संसदबाटै एउटा शक्तिशाली छानबिन आयोग बनाएर ०४६ साल पछाडि सार्वजनिक पदमा रहेका सबैको सम्पत्ति छानबिन गर्नुपर्ने बताएका छन्। आइतबार काठमाडौंमा आयोजित ‘जेन जी पुस्ता र लोकतान्त्रिक विचार’ विषयक छलफल कार्यक्रममा उनले नेपाली कांग्रेसका मान्छेले उक्त आयोगले भनेका कुरालाई केही नभनी मान्छु भनेर एकपटक आँट गर्ने हो भने बल्ल यो जेनेरेशनका मान्छेले कांग्रेसलाई विश्वास गर्ने बताए।
बिएल संवाददाता - काठमाडौं
रामेछापको मन्थली नगरपालिका-६ को कुनउरीबाट वडा नं ७ भटौली ठेडिखोला जोड्ने तामाकोशी नदीमाथि निर्माण भइरहेको पक्की पुल सम्पन्न नहुँदै भत्किएको छ। आइतबार बिहान पुलको निर्माणाधीन एउटा स्पानको स्ल्याब पुरै खसेको छ। स्ल्याब यसअघि गत बैशाख २६ गते क्रयाक भएको थियो। त्यसपछि निर्माण कम्पनीले सो भागलाई टाल्ने काम गरिरहेको अवस्थामा आइतबार बिहान स्ल्याब पुरै भाँचिएर भुईंमा झरेको स्थानीय पाण्डव प्रसाईंले बताए।
बिएल संवाददाता - रामेछाप
राष्ट्रिय स्वतन्त्र पार्टी रास्वपाले प्रतिनिधि सभा बैठक बहिष्कार गरेको छ। सत्तापक्षका सांसदहरू बोल्न थालेपछि रास्वपाका सांसदहरू सभाकक्षबाट बाहिरिएका छन् । प्रतिपक्षी दलका सांसदहरू बोल्दा वेलमा उभिएर सुनेका उनीहरू सत्तापक्षका सांसदहरू बोल्ने पालो आएपछि सदन बहिष्कार गर्दै बाहिरिएका हुन्।
बिएल संवाददाता - काठमाडौं
स्वतन्त्र सांसद अमरेश कुमार सिंहले ‘नेपाललाई लिजमा अर्को देशलाई दिऊँ’ भनेर अभिव्यक्ति दिएपछि प्रतिनिधि सभा बैठकमा लफडा भएको छ। सांसद सिंहले आपत्तिजनक र राष्ट्रघाती अभिव्यक्ति दिएको भन्दै एमाले प्रमुख सचेतक महेश बर्तौलाले आपत्ति जनाए। त्यसपछि सत्तापक्षका अन्य सांसद समेत उठेर विरोध गरेका हुन्।
बिएल संवाददाता - काठमाडाैं
नेकपा एमालेका सांसद महेश बर्तौलाले सांसद अमरेश सिंहले सदनमा राखेको अभिव्यक्ति राष्ट्रघाती र देशद्रोही अभिव्यक्ति भएको बताएका छन्। आइतबार प्रतिनिधि सभाको बैठकमा नियमापत्ति गर्दै उनले सिंहले देशलाई अमेरिका लगायतको देशमा गाभ्ने भन्ने कुरा संसदको रोस्टमबाट राखेको अभिव्यक्तिप्रति नियमापत्ति गर्दै यो कुरा रेकर्डबाट हटाएर कारवाहीको दायरामा ल्याउनुपर्ने माग गरेका हुन्।
बिएल संवाददाता - काठमाडाैं
आजको बैठकमा युवा तथा खेलकुद, महिला बालबालिका तथा ज्येष्ठ नागरिक, अर्थ, सहरी विकास मन्त्रालय र प्रधानमन्त्री तथा मन्त्रिपरिषद् कार्यालय, राष्ट्रिय योजना आयोगको सचिवालय, राष्ट्रपति कार्यालय एवं उपराष्ट्रपति कार्यालयको विनियोजनमाथिको छलफल हुनेछ। यस्तै, सांसदहरूले राखेको खर्च कटौतीको प्रस्तावसमेत पेस हुनेछ।
बिएल संवाददाता - काठमाडाैं
यो आक्रमणपछि ट्रम्पले राष्ट्रका नाममा सम्बोधन पनि गरेका छन्। त्यो सम्बोधनमा उनले इरानका सबै प्रमुख आणविक केन्द्रहरू पूर्णरुपमा ध्वस्त भइसकेको भन्दै ‘अब शान्तिको बाटोमा आउन’ इरानलाई फेरि चेतावनी दिएका छन्। ‘अझ पनि इरान त्यसका लागि तयार भएन भने भविष्यमा अझ भयानक आक्रमणको सामना गर्नुपर्नेछ’ ट्रम्पले भनेका छन्। उनले इजरायाली प्रधानमन्त्री बेन्जमिन नेतन्याहूलाई पनि बधाई दिएका छन्। अनि इजरायलको यो भयानक खतरा टाल्नका लागि अमेरिकाले साथै काम गरेको पनि बताएका छन्।
बिएल संवाददाता - काठमाडौं
प्रधानमन्त्री केपी शर्मा ओलीले आफूले देशका लागि काम गर्ने गरेको जिकिर गरेका छन्। शनिबार विश्व योग दिवसका अवसरमा ललितपुरमा आयोजित कार्यक्रमलाई सम्बोधन गर्दै उनले आफूले मौका पाएका बेला देश, जनता, सुशासन र विकासका लागि काम गर्ने गरेको र नपाएका बेला पवित्र मनका साथ बस्ने गरेको जिकिर गरे।
बिएल संवाददाता - काठमाडौं
संविधानविद् वरिष्ठ अधिवक्ता डा. चन्द्रकान्त ज्ञवलीद्वारा लिखित ‘सुगौली सन्धि र नेपालमा नागरिकताः ब्रिटिस गोर्खा बंशजको नागरिकता निरन्तरता’ पुस्तक विमोचन गरिएको छ। शनिबार एक विशेष कार्यक्रमकाबीच उक्त पुस्तक विमोचन गरिएको हो। कार्यक्रममा बोल्दै नेपाली कांग्रेसका सभापति शेरबहादुर देउवा र नेपाल समाजवादी पार्टीका अध्यक्ष डा. बाबुराम भट्टराईले ब्रिटिस गोर्खा सैनिकलाई नेपाली नागरिकताको निरन्तरता दिनुपर्ने विषयमा आफ्नो धारणा राखेका छन्। उनीहरूले सो विषयलाई गम्भीर बहस र छलफलको माध्यमबाट समाधान गर्नुपर्नेमा जोड दिए।
बिएल संवाददाता - काठमाडौं
पूर्वपश्चिम राजमार्गअन्तर्गत राप्ती नगरपालिकाको खहरे पुलमा यात्रुवाहक बस र ईभी गाडी एकआसपमा जुध्दा सात जनाको मृत्यु भएको छ। दुर्घटनामा अन्य १८ जना घाइते भएका छन्। धनगढीबाट काँकडभिट्टातर्फ गइरहेको प्रदेश१-०१-००१ख ३५८३ नब्बरको यात्रुवाहक बस र मकवानपुरबाट नारायणगढ आइरहेको बागमती प्रदेश ०३-००१ज २९९ नम्बरको विद्युतीय गाडि एकआपसमा ठोक्किएका चितवन प्रहरी प्रमुख गोविन्द पुरीले बताए।
बिएल संवाददाता - चितवन
सरकारले बजेटमा ल्याएको विद्युत खरिद सम्झौतामा ‘टेक एण्डे पे’ प्रावधान फिर्ता लिन ऊर्जा उद्यमीहरूले प्रधानमन्त्री, अर्थमन्त्री र ऊर्जामन्त्री र विद्युत प्राधिकरणका कार्यकारी निर्देशकलाई एकैपटक एसएमएस पठाएका छन्। आन्दोलनको कार्यक्रम अन्तर्गत शनिबार बिहान १० बजे प्रधानमन्त्री केपी शर्मा ओली, उपप्रधान एवं अर्थमन्त्री बिष्णु पौडेल, ऊर्जामन्त्री दिपक खड्का र नेपाल विद्युत प्राधिकरणका कार्यकारी निर्देशक हितेन्द्रदेव शाक्यलाई एकैपटक सयौं ऊर्जा उद्यमीले टेक एण्ड पे फिर्ता लिन एसएमएस गरेका हुन्। टेक एण्ड पे पीपीएको व्यवस्था ऊर्जामा निजी क्षेत्रको लगानी बन्द गर्ने
बिएल संवाददाता - काठमाडौं
राष्ट्रिय स्वतन्त्र पार्टी (रास्वपा)ले कार्यवाहक महामन्त्री रहेका कवीन्द्र बुर्लाकोटीलाई महामन्त्री र कार्यवाहक प्रवक्ता रहेका मनिष झालाई प्रवक्ताको जिम्मेवारी दिएको छ। शनिबार बिहान बसेको रास्वपा केन्द्रीय समितिको बैठकले जिम्मेवारी हेरफेर गरेको प्रवक्ता झाले जानकारी दिए।
बिएल संवाददाता - काठमाडौं
राष्ट्रिय स्वतन्त्र पार्टी (रास्वपा)का सांसद हरि ढकालले सभामुख देवराज घिमिरेले आफ्नो विवेकको सही रुपमा सदुपयोग नगरेको आरोप लगाएका छन्। शनिबार रास्वपाको तेस्रो स्थापना दिवसका अवसरमा माइतीघर मण्डलामा आयोजित कार्यक्रममा बोल्दै उनले रास्वपाको असहमतिका बाबजुद पनि सदन चलाउनु ठिक नभएको र यसलाई सरकारले गम्भीर रुपमा नलिएको बताए।
बिएल संवाददाता - काठमाडौं
प्रधानमन्त्री केपी शर्मा ओलीले अनुशासनको समस्याले नेपालीहरू पीडित रहेको बताएका छन्। शनिबार ललितपुरमा आयोजित ११औं विश्व योग दिवस, २०२५ को मूल समारोह कार्यक्रममा बोल्दै उनले अनुशासन योगको पहिलो सुत्र रहेको बताउँदै अनुशासनमा बस्न नसके ज्ञान पनि काम नलाग्ने बताएका हुन्।
बिएल संवाददाता - काठमाडौं
इरानबाट फर्किन चाहने नेपाली नागरिकलाई भारत सरकारले उद्धारका लागि सहयोग गर्ने भएको छ। इरानस्थित भारतीय दूतावासले यसबारे जानकारी दिँदै छिमेकी राष्ट्रका नागरिकलाई उद्धारका लागि सहयोग गर्ने जनाएको हो। दूतावासले नेपालसँगै श्रीलङ्काका नागरिकको पनि उद्धार गर्ने जनाएको छ। ‘नेपाल तथा श्रीलङ्काको सरकारको अनुरोधअनुसार इरानमा फसेका नेपाली तथा श्रीलङ्काका नागरिकलाई यहाँबाट निकाल्नका लागि भारतले सहयोग गर्नेछ’ दूतावासले एउटा सूचनामा भनेको छ।
बिएल संवाददाता - काठमाडौं
‘प्रतिवेदनले कम्पनी कानूनअनुसार भन्दा–भन्दै सरकारले मलाई कतै आकर्षित नहुने सहकारी ऐनको दफा प्रयोग गर्नु र झुटा मुद्दा लगाउनु राजनीतिक पूर्वाग्रह र प्रतिशोध नभएर के हो त’ उनले भनेका छन् ‘म मारिएछु भने पनि जनताले यिनीहरुका हातबाट तस्करले दिएका घडी खोस्नेछन् र हतकडी लगाउनेछन्। त्यो दिन धेरै टाढा छैन। यत्ति भनिसकेपछि अब मैले झन् यस बापत कत्रो मूल्य चुकाउनुपर्ने होला, त्यसको हिसाब पनि छैन र मलाई परवाह पनि छैन।’
बिएल संवाददाता - काठमाडौं
‘इरान सधै कुटनीतिक संवादमा विश्वास गर्दछ’ फरहानीले भनेका छन् ‘त्यो प्रत्यक्ष होस् वा अप्रत्यक्ष त्यो महत्वपूर्ण कुरा होइन। महत्वपूर्ण कुरा त यो बेला ट्रम्पले इजरायललाई युद्ध रोक्न एक आदेश दिएमात्रै पनि फेरि नयाँ सुरुवात गर्न सकिन्छ। त्यसका लागि ट्रम्पको एक फोन कल मात्रै पनि काफी हुन्छ।’ तर इजरायलसँग अहिले नै सिधा वार्ताको प्रस्तावलाई भने इरानले अस्वीकार गरिसकेको छ।
बिएल संवाददाता - काठमाडौं
विशेष अदालतका अध्यक्ष विशेष अदालतका अध्यक्ष टेकनारायण कुँवर र सदस्य रामबहादुर थापाको इजलासले बस्नेतलाई दोषी ठहर गरेको हो। उनलाई घुस दिने पद्मा कोलोनीका मालिक राजु कँडेल पनि दोषी ठहर भएका छन्। उनीहरूलाई सजाय तोक्नका लागि आगामी असार १६ गते अर्को पेशी तोकिएको छ। बस्नेतकी श्रीमतीलाई भने विशेष अदालतले सफाइ दिएको छ।
बिएल संवाददाता - काठमाडौं
१ .
२ .
३ .
४ .
५ .
