काँग्रेस केन्द्रीय समिति बैठकमा शेखरका तीखा प्रश्नहरू
बैठकको पहिलो दिन काँग्रेस नेता तथा सभापतिका आकांक्षी नेता शेखर कोइराला हाबी देखिए। उनले सत्ता साझेदारीका लागि नेपाली काँग्रेसले अपनाएको नीति र अहिलेको कार्यशैलीबारे प्रश्न पनि उठाएका छन्। सत्ता साझेदारीका लागि आफ्नो पनि सहमति भएको भन्दै उनले तर नेतृत्व किन एमालेलाई दिएको भनेर सभापति शेरबहादुर देउवासँग जवाफ पनि मागेका छन्। ‘मैले पनि नेपाली काँग्रेस र नेकपा एमालेको गठबन्धन हुनुपर्छ भनेर भनेकै हुँ। तर सत्ताको नेतृत्व किन एमालेलाई दिइयो’ नेता कोइरालाले देउवालाई सोधे ‘अनि गठबन्धन गर्दा सात बुँदे सहमतिमा लेखिएको संविधान संशोधनको मुद्दा कहाँ पुग्यो? यसको जवाफ सभापतिज्यूले दिनुपर्छ।’
बिएल संवाददाता - काठमाडाैं
