BreakNLinks

आइतबार, ३० नोभेम्बर २०२५

राजनीति

नवनियुक्त गभर्नर पौडेलले सम्हाले कार्यभार, पाँच सय र हजारका नोट छाप्ने पहिलो निर्णय

नेपाल राष्ट्र बैंकका नवनियुक्त गभर्नर डा. विश्वनाथ पौडेलले कार्यभार सम्हालेका छन्। बुधबार प्रधानन्यायाधीश प्रकाशमान सिंह राउतबाट शपथग्रहण गरेका गभर्नर पौडेलले त्यस लगत्तै केन्द्रीय कार्यालय पुगेर कार्यभार सम्हालेका हुन्। पौडेल मंगलबार राष्ट्रबैंकको १८औं गभर्नर नियुक्त भएका थिए। पदभार ग्रहणपछि गभर्नर पौडेलले पहिलो निर्णयका रुपमा पाँच सय र १ हजारका नयाँ नोट छपाई गर्ने निर्णयमा हस्ताक्षर गरेका छन्। पौडेलले मौद्रिक नीति र वित्त नीति अलग विषय रहेको बताउँदै वित्त नीति कार्यान्वयनमा मौद्रिक नीतिले अवरोध गरेको भए परिमार्जन गर्दै जाने बताए।

बिएल संवाददाता

बिएल संवाददाता - काठमाडौं

अर्थमन्त्री पौडेल भेट्न मन्त्रालय पुगे गभर्नर पौडेल

नेपाल राष्ट्र बैंकका नवनियुक्त गभर्नर डा. विश्व पौडेलले उपप्रधान एवं अर्थमन्त्री विष्णु पौडेलसँग भेट गरेका छन्। बुधबार बिहान अर्थ मन्त्रालय पुगेर गभर्नर पौडेलले अर्थमन्त्री पौडेलसँग भेटवार्ता गरेका हुन्। सो अवसरमा अर्थमन्त्री पौडेलले बधाइ दिँदै सफल कार्यकालको शुभकामना दिए। अर्थमन्त्री पौडेलले वित्त नीति र मौद्रिक नीतिबीच समन्वय गरी अघि बढ्ने उल्लेख गर्दै नवनियुक्त गभर्नर पौडेलले अर्थतन्त्र र मौद्रिक क्षेत्रमा देखा परेका समस्या समाधानमा महत्वपूर्ण पहल गर्ने विश्वास व्यक्त गरे। नवनियुक्त गभर्नर पौडेलले अर्थ मन्त्रालयले देशको अर्थतन्त्रको नेतृत्व गर्ने र नेपाल राष्ट्र बैंकले मौद्रिक नीतिमार्फत वित्त नीति कार्यान्वयनमा सहयोग पुर्‍याउने बताए। उनले वित्तीय क्षेत्रको प्रभावकारिताका लागि राष्ट्र बैंकको सुपरिवेक्षकीय क्षमतामा जोड दिने बताए।

बिएल संवाददाता

बिएल संवाददाता - काठमाडौं

एकैदिन ५ हजार रुपैयाँले बढ्याे सुनकाे मूल्य

एकैदिन सुनको भाउ तोलामा ५ हजार रुपैयाँ बढेको छ। बुधबार सुनकाे मूल्य बढेसँगै प्रतितोला १ लाख ८९ हजार ८ सय रुपैयाँ नेपाल सुनचाँदी व्यवसायी महासंघले जनाएकाे छ। त्यसैगरी चाँदीको भाउ तोलामा ५० रुपैयाँ बढेको छ। अहिले चाँदी प्रतिताेला १९९० रुपैयाँ कायम भएकाे छ।

बिएल संवाददाता

बिएल संवाददाता - काठमाडाैं

इजरायले किन ‘कुनै शक्ति’ लाई  टेर्दैन?

त्यो भन्दा पनि अझ दयनीय त त्यहाँ भोकमरी सुरु भएको छ। र युद्धबाट भन्दा भयानक मृत्यु नागरिकले भोकमरीको भोग्नुपर्ने भन्दै संयुक्त राष्ट्रसंघले चेतावनी दिएको छ। उसले आगामी ४८ घण्टामा पनि त्यहाँ खाद्यान्न र राहत पुग्न सकेन भने १४ हजार बालबालिकाको ज्यान जानसक्ने चेतावनी पनि दिएको छ।

बिएल संवाददाता

बिएल संवाददाता - काठमाडौँ

झनै शक्तिशाली भए पाकिस्तानका सेना प्रमुख, अब ‘फिल्ड मार्सल’

यो पद भनेको जनरल भन्दा माथिल्लो हुन्छ। काँधमा पाँच तारा लगाएका फिल्ड मार्सल भनेको आजीवन पद हो। उनको मृत्यु नभएसम्म अहिले पाउँदै आएको सबै अधिकार, शक्ति र सेवा सुविधा उनीहरूलाई दिइन्छ। प्राय युद्धका बेला सेनालाई निर्णायक बनाउनका लागि यो पद दिइन्छ। यस्तो चलन भारत, बेलायत, जर्मनीलगायतका देशहरूमा पनि छ।

बिएल संवाददाता

बिएल संवाददाता - काठमाडौँ

कांग्रेस नेता विश्व पौडेल गभर्नर नियुक्त

सरकारले नेपाल राष्ट्र बैंकको गभर्नरमा डा. विश्वनाथ पौडेललाई नियुक्त गरेको छ। मंगलबार साझ बसेको मन्त्रिपरिषद बैठकले पौडेललाई राष्ट्र बैंकको १८ औं गभर्नरमा नियुक्त गरेको सरकारका प्रवक्ता एवम् सञ्चारमन्त्री पृथ्वी सुब्बा गुरुङले बताए।

बिएल संवाददाता

बिएल संवाददाता - काठमाडौं

रविको मुद्दामा सकिएन बहस, हेर्दाहेर्दैमा राखियो

रास्वपा सभापति रवि लामिछानेको बन्दी प्रत्यक्षीकरण रिट निवेदन हेर्दाहेर्दैमा राखिएको छ। न्यायाधीशद्वय नहकुल सुवेदी र बालकृष्ण ढकालको एकल इजलासमा मुद्दाको सुनवाइ नसकिएपछि हेर्दाहेर्दैमा राखिएको हो।  यसअघि ६ पटक उक्त रिट निवेदन हेर्न नमिल्नेमा परेको थियो। मंगलबार लामिछानेको तर्फबाट अधिवक्ताहरू सुदीज्ञ पन्त, सुशील पन्त, सुरेन्द्र थापा, दिपेन्द्र झालगायतले बहस गरेका छन्। इजलासले बहस आजै सक्ने गरी छोट्याउन आग्रह गरेपनि लामिछानेका तर्फबाट कानुन व्यवसायीहरूले मात्र बहस गर्न भ्याए। अब बुधबार पूर्वडीआईजी छविलाल जोशी र सहकारी पीडितका तर्फबाट कानुन व्यवसायी र सरकारी वकिलले बहस गर्नेछन्। उक्त बहस सकिएपछि जवाफी बहस हुनेछ। त्यसपछि मात्र आदेश आउनेछ।

बिएल संवाददाता

बिएल संवाददाता - काठमाडौं

विश्व पौडेलविरुद्धको रिट दरपीठ आदेश सदर, गभर्नर बन्न खुल्यो बाटो

सर्वोच्च अदालतले गभर्नर बन्ने चर्चामा रहेका डा. विश्व पौडेलविरुद्धको रिट दरपीठ आदेशलाई सदर गरेको छ। दरपीठविरुद्धको रिटमा सुनुवाइ गर्दै न्यायाधीश सपना प्रधान मल्लको एकल इजलासले दरपीठ आदेश सदर गरेको हो। योसँगै पौडेललाई गभर्नर बन्ने बाटो तत्काललाई खुलेको छ। गभर्नर बन्ने चर्चामा रहेका विश्व पौडेल गभर्नर नियुक्तिका लागि अयोग्य रहेको भन्दै अधिवक्ता प्रतिभा उप्रेती र विशाल थापाले रिट दायर गरेका थिए। उक्त रिट सर्वोच्च प्रशासनले दर्ता नगरी दरपीठ गरेको थियो।

बिएल संवाददाता

बिएल संवाददाता - काठमाडौं

रविको मुद्दामा धमाधम सुनुवाइ, होलान् थुनामुक्त?

रास्वपा सभापति रवि लामिछानेको बन्दी प्रत्यक्षीकरण रिटमाथि सर्वोच्च अदालतमा सुनुवाइ जारी छ। न्यायाधीशद्वय नहकुल सुवेदी र बालकृष्ण ढकालको एकल इजलासमा मुद्दाको सुनवाइ भइरहेको हो। यसअघि पटकपटक हेर्न नमिल्नेमा परेको रविको रिटमा आज भने सुनुवाइ भएको हो। रविका कानुन व्यवसायीहरूले आजै आदेश आउनसक्ने सम्भावना रहेको बताएका छन्। सर्वोच्चले जिल्लाको फैसला सदर गर्दै उच्चको फैसला बदर गर्नेमा रविका कानुन व्यवसायीहरू ढुक्क देखिएका छन्। यदि जिल्लाकै आदेश सदर भएका लामिछाने जिल्लाकै धरौटीका आधारमा थुनामुक्त हुनेछन्। तर, उच्चकै फैसला सदर भएमा उनको कारागार बसाइ लम्बिने छ।

बिएल संवाददाता

बिएल संवाददाता - काठमाडौं

गभर्नरमा विश्व पौडेल ‘फाइनल’, बाँकी औपचारिकता मात्रै!

नेपाल राष्ट्र बैंकको गभर्नरमा कांग्रेस निकट डा. विश्व पौडेल पक्का भएका छन्। मंगलबार प्रधानमन्त्री केपी शर्मा ओली र कांग्रेस सभापति शेरबहादुर देउवाबीच भएको छलफलमा पौडेललाई नै गभर्नर बनाउने सहमति जुटेको विश्वस्त स्रोतले बतायो। सत्तारुढ दल कांग्रेस-एमालेबीच नै कुरा नमिल्ला लामो समयदेखि गभर्नर सिफारिसको विषय पेचिलो बनिरहेको थियो। ओली-देउवाबीचको निर्णायक छलफलपछि गभर्नरमा पौडेलको नाम फाइनल भएको हो। प्रधानमन्त्री ओलीले गभर्नर नियुक्तिका लागि मंगलबार साँझ ५ बजेका लागि मन्त्रिपरिषद बैठक आह्वान गरेका छन्।

बिएल संवाददाता

बिएल संवाददाता - काठमाडौं

देउवासँग ‘निर्णायक’ छलफलपछि ओलीले बोलाए मन्त्रिपरिषद बैठक, आजै गभर्नर नियुक्ति!

प्रधानमन्त्री केपी शर्मा ओलीले मन्त्रिपरिषद बैठक आह्वान गरेका छन्। मंगलबार साँझ ५ बजे प्रधानमन्त्रीको सरकारी निवासमा बस्ने गरी ओलीले बैठक आह्वान गरेका हुन्। आजै दिउँसो मात्र कांग्रेस सभापति शेरबहादुर देउवा ओलीलाई भेट्न बालुवाटार पुगेका थिए। उनीहरूबीच गभर्नर नियुक्तिबारे निर्णायक छलफल भएको थियो। छलफल लगत्तै प्रधानमन्त्री ओलीले गभर्नर नियुक्तिका लागि मन्त्रिपरिषद बैठक आह्वान गरेका उनको सचिवालयले बताएको छ। यता अर्थमन्त्री गभर्नर सिफारिस समितिका संयोजक रहेका अर्थमन्त्री विष्णु पौडेलले समितिको बैठक आह्वान गरिसकेका छन्। समितिको बैठक आजै अपराह्न बस्दै छ। समितिले राष्ट्र बैंकको सम्भावित गभर्नरमा तीनजनाको नाम सिफारिस गर्ने छ।  समितिले सिफारिस गर्ने बित्तिकै मन्त्रिपरिषद बैठक बस्नेछ। समितिले सिफारिस गरेका तीनजनामध्येबाट मन्त्रिपरिषदले एकजनालाई गभर्नरमा नियुक्त गर्नेछ।

बिएल संवाददाता

बिएल संवाददाता - काठमाडौं

ओली-देउवा भेट लगत्तै अर्थमन्त्रीले बोलाए ‘गभर्नर सिफारिस समिति’को बैठक

गभर्नर सिफारिस समितिका संयोजक रहेका अर्थमन्त्री विष्णु पौडेलले समितिको बैठक आह्वान गरेका छन्। पौडेलले मंगलबार अपराह्न बस्ने गरी समितिको बैठक बोलाएको उनको सचिवालयले जानकारी दिएको छ। समितिले राष्ट्र बैंकको सम्भावित गभर्नरमा तीनजनाको नाम सिफारिस गर्ने छ। समितिले सिफारिस गरेकामध्येबाट एकजना गभर्नर नियुक्त हुनेछन्। आजै मात्र प्रधानमन्त्री केपी शर्मा ओली र कांग्रेस सभापति शेरबहादुर देउवाबीच बालुवाटारमा भेटवार्ता भएको थियो। उक्त भेटपछि अर्थमन्त्रीले सिफारिस समितिको बैठक आह्वान गरेका हुन्।

बिएल संवाददाता

बिएल संवाददाता - काठमाडौं

सहिद घोषणामा ‘त्रुटि’ भएको प्रचण्डको स्वीकारोक्ति

नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले रूकुमको चौरजहारीमा जनयुद्धका घाइते, अपाङ्ग, सहिद परिवार र बेपत्ता व्यक्तिका आफन्तहरूसँग अन्तर्क्रिया गरेका छन्। मध्यपहाडी लोकमार्ग अभियान अन्तर्गत चौरजहारी नगर समितिको कार्यालयमा आयोजित कार्यक्रममा जनयुद्धपीडितहरूले आफूहरूले भोगिरहेका समस्या तथा राज्यबाट पाउनुपर्ने अधिकारका विषयमा धारणा राखेका थिए। उनीहरूले घाइते अपाङ्गको उपचार, बेपत्ता व्यक्तिहरूको राज्यद्वारा मान्यता, सहिद परिवारका सन्तानको शिक्षादेखि रोजगारीसम्मका विषयमा अझै ध्यान दिनुपर्ने माग गरेका थिए। कार्यक्रममा अध्यक्ष प्रचण्डले पनि जनताको पीडा बुझ्ने, संवाद गर्ने र पार्टीभित्रको समीक्षा गर्दै नयाँ रूपमै जनतामा जान अभियान सञ्चालन गरिएको बताए।

बिएल संवाददाता

बिएल संवाददाता - रुकुम

जेठ १५ बाट आन्दोलन चर्काउने लिङदेनको चेतावनी, भनेः प्रधानमन्त्रीलाई हेलिकप्टरमा भाग्न छुट दिन्छौं

राप्रपा अध्यक्ष राजेन्द्र लिङ्देनले गणतन्त्र दिवसको दिनदेखि सुरु हुने राजसंस्था र हिन्दु राष्ट्र पुनर्स्थापना पक्षधरको आन्दोलनले प्रधानमन्त्रीलाई नै भाग्न बाध्य पार्ने चेतावनी गरेका छन्। मंगलबार काठमाडौंमा आयोजित आन्दोलन तयारी सभामा बोल्दै लिङदेनले अबको आन्दोलन निर्णायक हुने र प्रधानमन्त्रीलाई नै भाग्न बाध्य बनाउँने गरी आन्दोलन चर्काउँने दाबी गरे। उनले भने, ‘अस्ति प्रधानमन्त्रीले संसदमा भन्नुभयो- ‘अब उमेरको हिसाबले पनि भाग्न सकिदैन, भाग त भन्नुभएन नि हो।’ भाग्न सकिन्न भने पनि सम्झौता नगर्ने हो भने उहाँहरूलाई हेलिकोप्टरबाट जाने मौका दिनुपर्छ हामीले। हेलिकोप्टरको सुविधा प्रयोग गर्न छुट दिने। त्यसरी हामीले हाम्रो आन्दोलन अगाडि लाने हो।’

बिएल संवाददाता

बिएल संवाददाता - काठमाडौं

‘अस्वस्थ’ भन्दै संसद गएनन् ओली, बालुवाटारमा देउवासँग गफिँदै!

प्रधानमन्त्री एवं एमाले अध्यक्ष केपी शर्मा ओली र कांग्रेस सभापति शेरबहादुर देउवाबीच भेटवार्ता भएको छ। ओलीलाई भेट्न सभापति देउवा मंगलबार मध्याह्न बालुवाटार पुगेका हुन्। सोमबारको मन्त्रिपरिषद बैठकबाट राष्ट्र बैंकको गभर्नर नियुक्ति गर्ने तयारी भएपनि ओलीले अन्तिम समयमा बैठक नै स्थगित गरेका थिए। लगत्तै ओलीलाई भेट्न देउवा बालुवाटार पुगेका हुन्। ओलीले हिजो पनि देउवासँग भेट्ने तयारी गरेका थिए तर, देउवा ओली भेट्न गएनन्। आजको भेटमा दुई नेताबीच गभर्नर नियुक्तिकै विषयमा छलफल भइरहेको बालुवाटार स्रोतले बतायो।  यता प्रधानमन्त्री ओली अस्वस्थ भन्दै संसद बैठकमा सहभागी भएनन्। प्रधानमन्त्री नजाने भएपनि संसदमा आज हुने भनिएको प्रधानमन्त्रीसँगको प्रश्नोत्तरको कार्यक्रम स्थगित भएको छ।

बिएल संवाददाता

बिएल संवाददाता - काठमाडौं

प्रधानमन्त्री अस्वस्थ, सांसदसँगको प्रश्नोत्तर स्थगित

संसदमा आज हुने भनिएको प्रधानमन्त्रीसँग सांसदहरूको प्रश्नोत्तर कार्यक्रम स्थगित भएकाे छ।  आजको कार्यक्रममा प्रधानमन्त्री ओलीले प्रतिनिधिसभा नियमावली, २०७९ को परिच्छेद–९ बमोजिम सांसदहरूले सोधेको प्रश्नको जवाफ दिने कार्यसूची रहेको थियो ।

बिएल संवाददाता

बिएल संवाददाता - काठमाडाैं

पाकिस्तानसँग के त्यस्तो हतियार छ, जसको सबैलाई ‘डर’ छ

भारतले युद्धका लागि धावा बोल्दै गर्दा पाकिस्तानले पटक पटक परमाणु आक्रमण गर्ने चेतावनी दिएको थियो।  तर युद्ध चर्किन पाएन। लडाईं सुरु भएको ८६ घण्टामै त्यो थामियो।  र, अझै पनि भारत र पाकिस्तानको परमाणु हतियारलाई लिएर विश्व निकै त्रस्त छ।

बिएल संवाददाता

बिएल संवाददाता - काठमाडौँ

ट्रम्पले भने, रुस र युक्रेनको युद्ध चाँडै अन्त्य हुन्छ

पुटिनसँग उनले लगभग २ घण्टा कुराकानी गरेका थिए। यसलाई उनले युद्धअन्त्यको एउटा सकारात्मक कदम भनेका छन्।  दुबै राष्ट्रपतिले चाँडै नै युद्धबिराम र त्योभन्दा अघि बढेर युद्ध अन्त्यकै लागि कदम चाल्ने विश्वास पनि उनले लिएका छन्।  कुराकानीबाट सामाजिक सञ्जालमा लेख्दै ट्रम्पले २ घण्टाको वार्ता निकै राम्रो र उपलब्धिमुलक भएको बताएका छन्।

बिएल संवाददाता

बिएल संवाददाता - काठमाडौँ

‘मध्यपहाडी लोकमार्ग’को अवधारणा बसाइँसराइ रोक्न ल्याइएको होः प्रचण्ड

नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले दैलेखमा आयोजित सर्वपक्षीय जनसंवाद कार्यक्रममा सहभागी भइ स्थानीय सरोकारवालासँग विकास र समृद्धीका विषयमा छलफल गरेका छन्। उनले राजनीतिक दल, व्यवसायी, पत्रकार, कर्मचारी सबैको सक्रियताले अभियान सर्वपक्षीय बनेको उल्लेख गर्दै अभियानलाई थप गतिशील बनाउन सबै पक्षको सहभागिता आवश्यक रहेको बताए। दैलेखमा मध्यपहाडी लोकमार्गको करिब १२५ किलोमिटर खण्ड पर्ने जानकारी दिँदै अध्यक्ष प्रचण्डले उक्त खण्ड सबैभन्दा लामो भएको बताए। उनले उत्तर-दक्षिण लोकमार्ग, मध्यपहाडी लोकमार्ग र हुलाकी मार्गको अवधारणालाई व्यवसायिक तथा आर्थिक गतिविधि विस्तार गर्ने उद्देश्यका साथ अघि सारिएको स्पष्ट गरे। ‘मध्यपहाडी लोकमार्गको अवधारणा बसाइँसराइ न्यूनीकरण गर्दै पहाडी क्षेत्रमा व्यवस्थित सहर निर्माण तथा पर्यटन र उद्योग प्रवर्द्धन गर्ने उद्देश्यले ल्याइएको हो,’ अध्यक्ष प्रचण्डले भने, ‘तर, वैदेशिक रोजगारी र बसाइँसराइ को क्रम यथावत रहनु चिन्ताको विषय हो।’

बिएल संवाददाता

बिएल संवाददाता - दैलेख

हुम्लाको बाढी-पहिरो प्रभावित क्षेत्रमा तत्काल राहत उपलब्ध गराउन गृहमन्त्रीको निर्देशन

गृहमन्त्री रमेश लेखकले हुम्लाको नाम्खा गाउँपालिका-६ तिल गाउँमा पहिरोबाट विस्थापितहरूलाई तत्काल राहत सामाग्री उपलब्ध गराउन निर्देशन दिएका छन्। सोमबार गृह मन्त्रालयमा बसेको बैठकले पहिरोबाट विस्थापितहरूलाई तत्काल त्रिपाल र खाद्यान्न लगायतका राहत सामाग्री उपलब्ध गराउन निर्देशन दिएको हो। मन्त्री लेखकले विस्थापितहरूका लागि तत्काल हेलिकप्टरबाट राहत सामाग्री र स्थलगत अध्ययनकाम लागि प्राविधिक टोली समेत पठाउन निर्देशन दिउका छन्। बैठकमा गृहमन्त्री लेखकले विस्थापितहरूको तत्काल खानेबस्ने व्यवस्था गर्न र प्राविधिक टोलीले स्थलगत अध्ययन गरेर रिपोर्ट तयार गर्नसमेत निर्देशन दिए। राहत तथा स्थलगत अध्ययनका लागि कर्णाली प्रदेश सरकारसँग आवश्यक समन्वय गर्न मातहतका निकायलाई निर्देशन दिए। हुम्लाको विकट क्षेत्र नाम्खा गाउँपालिका-६ तिलगाउँमा हिमताल फुटेर लेदोसहितको पहिरोले स्थानीयवासी विस्थापित भएका छन। अहिलेसम्म सो क्षेत्रमा ३२ जना विस्थापित भएको खबर छ।

बिएल संवाददाता

बिएल संवाददाता - काठमाडौं

ट्रेन्डिङ