हृदयन्द्रलाई राजा मान्न देउवा तयार भएकै हुन्? के भन्छ कांग्रेस?
नेपाली कांग्रेसले सभापति शेरबहादुर देउवालाई जोडेर राजसंस्थाका बारेमा प्रकाशित भएका समाचारको खण्डन गरेको छ। सभापति शेरबहादुर देउवा संवैधानिक राजतन्त्रप्रति सकारात्मक रहेको र पूर्वाराजा ज्ञानेन्द्र शाहका नाती हृदयन्द्रलाई संवैधानिक राजा स्वीकार्न तयार रहेको भन्दै समाचारहरू सार्वजनिक भएका थिए। कांग्रेसका मुख्य सचिव कृष्णप्रसाद पौडेलले बिहीबार एक विज्ञप्ति जारी गर्दै देउवाको धारणा भन्दै राजसंस्थाका बारे प्रकाशित भएको भ्रामक र कपोलकल्पित समाचारप्रति कांग्रेसको गम्भीर ध्यानाकृष्ट भएको बताएका छन्। उनले सभापति देउवा गणतन्त्रको संरक्षण र सम्वर्द्धनमा प्रतिवद्ध रहेको र यसमा नेतृत्वदायी भूमिका खेल्दै आएको उल्लेख गरेका छन्।
बिएल संवाददाता - काठमाडौं
