BreakNLinks

बिहिबार, २३ अप्रिल २०२६

राजनीति

आधा घण्टाका लागि स्थगित बैठक साढे २ बजे बस्ने तयारी

प्रतिनिधि सभाको बैठक साढे २ बजेसम्मका लागि सूचना टाँस गरेर स्थगित गरिएको छ। प्रतिपक्षी दलहरूले भिजिट भिसा प्रकरणमा मुछिएका गृहमन्त्री रमेश लेखकको राजीनामा र छानबिनका लागि उच्चस्तरीय छानबिन समितिको माग गर्दै संसदमा अवरोध गरेपछि सभामुखले आधा घण्टाका लागि भन्दै बैठक स्थगित गरेका थिए। ३० मिनेटका लागि स्थगित बैठक हालसम्म पनि सञ्चालन हुन सकेको छैन। पुनः बस्ने तयारीमा रहेको बैठक साढे २ बजेका लागि तोकिएको संसदका महासचिव पद्मप्रसाद पाण्डेयले बताए।

बिएल संवाददाता

बिएल संवाददाता - काठमाडौं

गृहमन्त्रीमाथि छानबिन गर्न ‘उच्चस्तरीय छानबिन आयोग’ गठन गर्न रास्वपाको माग

राष्ट्रिय स्वतन्त्र पार्टीले भिजिट भिसा प्रकरणमा जोडिएका गृहमन्त्री रमेश लेखकमाथि छानबिन गर्न उच्चस्तरीय छानबिन आयोग गठन गर्नुपर्ने माग गरेको छ। मंगलबार प्रतिनिधि सभामा बोल्दै रास्वपा सांसद शिशिर खनालले गृहमन्त्रीमाथि छानबिनका लागि आयोग गठन नभएसम्म संसद चल्न नदिने चेतावनी दिए। उनले अख्तियारको अनुसन्धानमा सघाउनुपर्नेमा गृहमन्त्रीले उल्टै सहसचिवको सरुवा गरेर अनुसन्धानमा अवरोध गरेको आरोप लगाए। उनले राजनीतिक संरक्षणमै विमानस्थलमा लुटको धन्दा चलाइएको दाबीसमेत गरे।

बिएल संवाददाता

बिएल संवाददाता - काठमाडौं

भिजिट भिसा प्रकरण संगठित ‘मानव तस्करी’सँग जोडिएको छ: वर्षमान पुन

नेकपा माओवादी केन्द्रका सांसद वर्षमान पुनले भिजिट भिसा प्रकरण संगठित मानव तस्करीसँग जोडिएको विषय भएको बताएका छन्। मंगलबार प्रतिनिधि सभा बैठकमा उनले त्रिभुवन अन्तराष्ट्रिय विमानस्थलमा भिजिट भिसाको नाममा करोडौंको अवैध असुलीको जालो फैलिएको भन्दै यो रोजगारीको लागि विदेश जान खोजेका सामान्य युवाहरू माथि गरिएको लुट र संगठित मानव तस्करीसँग जोडिएको विषय भएको बताए। उनले भने, ‘त्रिभुवन अन्तराष्ट्रिय विमानस्थलमा भिजिट भिसाको नाममा करोडौंको अवैध असुलीको जालो फैलिएको र त्यसमा गृहमन्त्रीज्यूको सचिवालयको प्रत्यक्ष संलग्नता भईरहेको भन्ने कुरा विभिन्न पत्रपत्रिकामार्फत बाहिर आइरहेको छ। यो कुनै सामान्य भ्रष्टाचारको घटना मात्र होईन। यो रोजगारीको लागि विदेश जान खोजेका सामान्य युवाहरू माथि गरिएको लुट र संगठित मानव तस्करीसँग जोडिएको विषय हो।’

बिएल संवाददाता

बिएल संवाददाता - काठमाडौं

प्रतिपक्षीको नाराबाजीपछि प्रतिनिधि सभा बैठक स्थगित

भिजिट भिसा प्रकरणमा जोडिएका गृहमन्त्री रमेश लेखकले राजीनामा दिनुपर्ने माग गर्दै विपक्षी दलहरूले संसद अबरुद्ध गरेका छन्। प्रतिनिधिसभाको बैठक सुरू हुनासाथ माओवादी, रास्वपा र राप्रपाका सांसद उठेर विरोध गरेका थिए। त्यसपछि सभामुखले माओवादी केन्द्रका सांसद वर्षमान पुनलाई बोल्न दिएका थिए। उनले निष्पक्ष छानबिनका लागि गृहमन्त्रीको राजीनामा माग गरे। त्यसपछि सभामुखले सभाप अगाडि बढाउने खोजेका थिए। विपक्षी सांसदहरूले फेरि उठेर विरोध गरेपछि रास्वपा सांसद शिशिर खनाललाई बोल्न दिएका थिए। खनालले रवि लामिछाने गृहमन्त्री हुँदा अहिलेका गृहमन्त्री लेखकको भनाइ सुनाउँदै उनलाई तत्काल राजीनामा दिन माग गरे।

बिएल संवाददाता

बिएल संवाददाता - काठमाडौं

युवा संघ महाधिवेशन:  नेतृत्व चुन्न मतदान सुरु

नेकपा एमाले निकट युवा संघको नयाँ नेतृत्व चयनका लागि मतदान सुरु भएको छ। पोखरा सभागृहमा मंगलबार बिहान १० बजेदेखि मतदान सुरु भएको हो।  अध्यक्ष पदमा क्षितिज थेबे र सुमन पुरी प्रतिस्पर्धामा छन्। उनीहरूले नै पहिलाे भाेटिङ गरेका छन्। थेबे निवर्तमान अध्यक्ष हुन् भने पुरी निवर्तमान महासचिव हुन्।

बिएल संवाददाता

बिएल संवाददाता - काठमाडाैं

ओलीको बोली उत्तेजक! लिङ्देनको पनि कम्ता थिएन

प्रधानमन्त्रीले गैरसंवैधानिक र उत्तेजक अभिव्यक्ति दिएको भन्दै राष्ट्रिय प्रजातन्त्र पार्टीले भने त्यसको कडा विरोध जनाएको छ। सत्ता साझेदार नेपाली काँग्रेस महामन्त्री गगन थापालगायत सत्तपक्षकै अरु नेताहरूले पनि त्यसप्रति आपत्ति जनाएका छन्। राष्ट्रिय मानवअधिकार आयोगले पनि प्रधानमन्त्रीको अभिव्यक्तिलाई ‘चिन्ताजनक’ भनेको छ।  तर त्यसअघि राप्रपाकै अध्यक्ष राजेन्द्र लिङ्देनले दिएको अभिव्यक्ति पनि कम्ता उत्तेजक थिएन। लिङ्देनले राजावादीको आन्दोलनका थेग्न नसकेर नेताहरू भाग्ने दिन आउनसक्ने दोहोर्‍याउँदै आएका थिए। एक दिन संसदमा बोल्दैन प्रधानमन्त्री केपी शर्मा ओलीले त्यसबारे खिसी गरेका थिए।  त्यसको केही दिनपछि लिङ्देनले फेरि प्रधानमन्त्रीलाईचाहिँ भाग्नका लागि हेलिकोप्टरको सुविधा दिन सकिने भन्दै ब्यंग्य गरे। चैत १५ देखि राजावादी र गणतन्त्रवादी भनिने राजनीतिक दलका नेताहरूबीच यस्तो घोचपेच बढ्दै जाँदा उनीहरूका अभिव्यक्ति पनि उत्तेजक हुन थालेका छन्।

बिएल संवाददाता

बिएल संवाददाता - काठमाडौं

कस्तो होला आजको संसद बैठक, माओवादी, रास्वपा र राप्रा रणनीति बनाउँदै

तर विपक्षी दलहरूले भने संसद बैठक चल्न नदिने रणनीति बनाएका छन्। राष्ट्रिय स्वतन्त्र पार्टी र राष्ट्रिय प्रजातन्त्र पार्टीले प्रतिनिधिसभा बस्नुअघि संसदीय दलको बैठक बोलाएका छन्।  यसअघि नै रास्वपाले १३ गतेको संसद बैठक सामान्य नहुने भन्ने चेतावनी दिइसकेको छ। उसले यसअघि रमेश लेखककै अभिव्यक्ति स्मरण गराउँदै राजीनामा दिने कि नदिने भन्ने प्रश्न उठाउने भएको छ।  गृहमन्त्री हुनुभन्दा अघि सांसद रमेश लेखकले प्रतिनिधिसभा बैठकमै तत्कालीन गृहमन्त्री रवि लामिछानेको राजीनामा माग गरेका थिए। त्यो बेला रवि लामिछानेलाई सहकारी ठगीको आरोप थियो।

बिएल संवाददाता

बिएल संवाददाता - काठमाडौं

ओलीजी जथाभावी बोलिरहनुभएको छ : शेखर कोइराला

‘ओलीजीले जथाभावी बोलिरहनुभएको छ’ प्रधानमन्त्री ओलीको अभिव्यक्तिप्रति इङ्गित गर्दै कोइरालाले भने ‘प्रधानमन्त्रीले एमालेका कार्यकर्तालाई काठमाण्डौं कब्जा गर्न निर्देशन दिन मिल्दैन’ प्रधानमन्त्रीले पार्टीका कार्यकर्तालाई अनावश्यक उक्साएको कोइरालाको भनाई थियो।

बिएल संवाददाता

बिएल संवाददाता - काठमाडौं

लिङ्देनको चेतावनीः लाखौं जनता सडकमा आए एकदिनमै गणतन्त्र समाप्त हुन्छ

राष्ट्रिय प्रजातन्त्र पार्टी राप्रपाका अध्यक्ष राजेन्द्र लिङ्देनले अहिलेको युवालाई नेता र पार्टी भनेपछि वितृष्णा आउन थालेको दाबी गरेका छन्। सोमबार काठमाडौंमा आयोजित एक कार्यक्रमलाई सम्बोधन गर्दै उनले पछिल्लो समयको राजनीतिक अवस्था देखेर युवालाई राजनीतिप्रति घृणा पैदा भइरहेको बताए। उनले देश बिग्रियो भने युवाको भविष्य बिग्रने दाबी गरे। उनले देशका तीन ठूला दलका नेताहरूका कारण देश बिग्रिएकाले युवाहरूको भविष्य अन्योलमा परेको दाबी गरे। उनले तीन करोड जनसंख्या भएको देशमा ६० लाखभन्दा बढी विदेशमा छन् भने देशको अवस्था कस्तो होला? भन्दै प्रश्न गरे।

बिएल संवाददाता

बिएल संवाददाता - काठमाडौं

रघुजी भन्छन्ः संयोगले शिक्षामन्त्री भएँ, धेरै कुरा सिक्दैछु

शिक्षा, विज्ञान तथा प्रविधिमन्त्री रघुजी पन्तले संयोगले शिक्षामन्त्रीको जिम्मेवारी सम्हाल्नुपर्ने अवस्था आएकाले धेरैकुरा सिक्न बाँकी गरेको बताएका छन्। सोमबार काठमाडौंमा आयोजित शिक्षा नीति बहसअन्तर्गत उच्च शिक्षाका आयाम विषयक विमर्श कार्यक्रममा उनले संयोगले शिक्षामन्त्री हुन आइपुगेको भन्दै मुलुकको शिक्षा क्षेत्रलाई राम्रो र सुनिश्चित गन्तव्यतर्फ लैजानको लागि शिक्षा विद्हरूको मार्गदर्शन र सल्लाहको खाँचो रहेको बताए। उनले भने, ‘लामो समय मैले पत्रकारितामा बिताए। पत्रकार महासंघको महासचिव हुँदै संसदको चुनाव लडेर सांसद हुन आएको मान्छे हुँ। सम्पादकीय र पाठक प्रतिक्रियामा कहिलेकाँही धेरै विद्वानहरूले भन्न नसकेको कुरा लेखिएको हुन्छ। त्यस्तो कुरा पाठकले मात्र देख्छ। त्यसकारण म तपाईंहरूको पाठक हुँ, विद्यार्थी हुँ। संयोगले मात्र शिक्षामन्त्री हुन आइपुगेको छु। सबैले बाटो देखाइदिनुहोला। मुलुकको शिक्षा क्षेत्रलाई एउटा राम्रो र सुनिश्चित गन्तव्यतर्फ लैजानको लागि मार्गदर्शन र सल्लाहको खाँचो छ।’

बिएल संवाददाता

बिएल संवाददाता - काठमाडौं

उत्तेजक अभिव्यक्ति नदिन ओलीलाई आयोगको चेतावनी

राष्ट्रिय मानवअधिकार आयोगले प्रधानमन्त्री केपी शर्मा ओलीलाई उत्तेजक अभिव्यक्ति नदिन चेतावनी दिएको छ। राजतन्त्र समर्थक संयुक्त जनआन्दोलन समितिले  जेठ १५ गतेबाट काठमाडौंमा सुरु गर्न लागेको आन्दोलनको सन्दर्भमा प्रधानमन्त्री केपी शर्मा ओलीले आफ्ना कार्यकर्ताहरूलाई दिएको अभिव्यक्तिप्रति आयोगले सोमबार विज्ञप्ति जारी गर्दै गम्भीर ध्यानाकर्षण भएको जनाएको हो। आयोगले प्रधानमन्त्री ओलीले ‘जेठ १५ गते ११ बजेदेखि २ बजेसम्म काठमाडौं नेकपा एमालेको नियन्त्रणमा हुनुपर्छ’ भन्ने निर्देशनमूलक अभिव्यक्ति सार्वजनिक रुपमा दिएकोप्रति विज्ञप्तिमा असन्तुष्टि जनाएको छ। आगामी जेठ १५ गतेबाट राजतन्त्रसमर्थक संयुक्त जनआन्दोलन समितिले काठमाडौँमा जनआन्दोलन गर्न लागेको र सोको अनुगमन समेत गरिदिन अनुरोध गर्दै आयोगमा जानकारीपत्र प्राप्त भएको आयोगका प्रवक्ता डा. टीकाराम पोखरेलद्वारा जारी विज्ञप्तिमा उल्लेख छ।

बिएल संवाददाता

बिएल संवाददाता - काठमाडौं

रविपत्नीको गुनासोः मानवता हराएको देश, जिउँदो लास भएर हिँडेछु

राष्ट्रिय स्वतन्त्र पार्टीका सभापति रवि लामिछानेकी पत्नी निकिता पौडेलले अदालत प्रशासनले आफूमाथि गैरजिम्मेवारीपन देखाएको आरोप लगाएकी छन्। सोमबार सामाजिक सञ्जाल फेसबुकमा लामो स्टाटस पोस्ट गर्दै निकिताले आफ्नो श्रीमानको आदेश सुन्न अदालतका प्रवक्ताको कार्यकक्षमा कुरिरहँदा आफूलाई सुनाउनुपूर्व मिडियामा चुहाएको गुनासो गरेकी छन्। निकिताले दुई बजे बहस सकिएपछि आफू ७ घण्टासम्म आदेश कुरेर बसेको तर आफूले अदालतबाट आधिकारिक जानकारी पाउनुपूर्व मिडियाबाट आदेशबारे खबर थाहा पाएको बताएकी छन्।

बिएल संवाददाता

बिएल संवाददाता - काठमाडौं

गंगालाई फर्काएपछि प्रचण्डः अब कम्युनिष्ट एकता प्रक्रिया अघि बढ्यो

नेकपा माओवादी केन्द्रका अध्यक्ष पुष्पकमल दाहाल प्रचण्डले समाजवादी क्रान्तिको तयारीको लागि आवश्यक पर्ने कम्युनिष्ट एकताको प्रक्रियामा अगाडि बढेको दाबी गरेका छन्। सोमबार काठमाडौंमा भएको पार्टी समायोजन कार्यक्रममा उनले आउने दिनमा समाजवादी आन्दोलन अगाडि बढ्दै जाँदा एकीकरण, समायोजन र ध्रुवीकरणको प्रक्रिया पनि निरन्तर अगाडि बढ्दै जाने भन्दै कम्युनिष्ट एकताको प्रक्रियामा गम्भीर ढङ्गले अगाडि बढिरहेको बताए। उनले भने, ‘योभन्दा अगाडि हामीले ०६४ को निर्वाचनमा प्राप्त गरेको अभिमत हामीले जोगाउन सकेनौ, पार्टी विभाजित भयो। त्यसले नेपाली श्रमजिवी वर्गको लागि ठूलो क्षति भयो। महान सहिदहरूको सपना तरङ्गित भए तर संविधान घोषणा भएपछि एकताको प्रक्रिया सुरु भयो। आउने दिनमा समाजवादी आन्दोलन अगाडि बढ्दै जाँदा एकीकरण, समायोजन र ध्रुविकरणको प्रक्रिया पनि निरन्तर अगाडि बढ्दै जानेछ।’

बिएल संवाददाता

बिएल संवाददाता - काठमाडौं

प्रचण्ड र गंगाको पार्टी एकता

नेकपा (माओवादी केन्द्र) र गंगानारायण श्रेष्ठले नेतृत्व गरेको नेपाल समाजवादी पार्टीबीच एकता सहमतिपत्रमा हस्ताक्षर र पत्र आदानप्रदान भएको छ। सोमबार काठमाडौंमा दुई दलबीच एकता सहमतिपत्रमा हस्ताक्षर र पत्र आदानप्रदान भएको हो। सहमतिपत्रमा हस्ताक्षर भएसँगै पार्टाी समायोजन सम्बन्धि निर्णयहरु समेत भएको छ।

बिएल संवाददाता

बिएल संवाददाता - काठमाडौं

रमेश लेखक निर्दोष हुनुहुन्छ, रवि लामिछानेसँग जोड्न मिल्दैन

नेपाली कांग्रेसका प्रवक्ता डा. प्रकाशशरण महतले भिजिट भिसा प्रकरणमा गृहमन्त्री निर्दोष रहेको बताएका बताएका छन्। सोमबार पार्टी सभापति शेरबहादुर देउवा निवास बुढानिलकण्ठमा भएको कांग्रेस पदाधिकारी बैठकमा उनले गृहमन्त्री रमेश लेखक निर्दोष रहेको बताएका हुन्। उनले अफवाहको शिकार कांग्रेसकै नेताहरू समेत भएको बताए। उनले भिजिट भिसा प्रकरणलाई आधार मानेर संसद अवरोध गर्नुपर्ने आधार नभएको बताए। यस विषयमा यथार्थ अध्ययन गरेर निष्कर्षमा पुग्नुपर्ने वा गहिराइमा पुग्नुपर्ने उनी बताउँछन्। उनले भने, ‘यस्ता विषयमा संसद अवरोध गर्नुपर्ने कुनै आधार नै छैन। छानबिनको दायरामा उहाँ हुनुहुन्न, आरोपित गरेर मुद्दा दर्ता गरिएको अवस्था छैन। बिना आधारमा सामाजिक सञ्जालमा फैलाइएको अफवाहकै आधारमा संसद अवरोधको कुरा हुन थालेको छ। कहीं पनि यस्तो गर्न मिल्दैन।’

बिएल संवाददाता

बिएल संवाददाता - काठमाडौं

कांग्रेस बैठकमा कोइराला, बजगाईं र शर्मालाई स्पष्टीकरण सोध्न प्रस्ताव

सोमबार बसेको नेपाली कांग्रेस  पदाधिकारी बैठकमा गृहमन्त्रीको राजीनामा माग्ने नेताहरू डा. शेखर कोइराला, राजेन्द्र बजगाईँ र सुनिल शर्मालाई स्पष्टीकरण सोध्ने प्रस्ताव भएको छ। गृहमन्त्री रमेश लेखक जोडिएको भिजिट भिसा प्रकरणमा धारणा बनाउन सोमबार सभापति शेरबहादुर देउवा निवास बुढानीलकण्ठमा पदाधिकारी बैठक बसेको थियो। बैठकमा गृहमन्त्रीको राजीनामा माग्ने तीन नेताहरूलाई स्पष्टीकरण सोध्न प्रस्ताव गरेको नेता शशांक कोइरालाले बताए। उनले आफूले सभापति देउवासँगै सो प्रस्ताव राखेको र सभापतिले स्पष्ट नभनेपनि मौन समर्थन गरेको दाबी गरे।

बिएल संवाददाता

बिएल संवाददाता - काठमाडौं

‘भिजिट भिसा’ प्रकरणमा गृहमन्त्री निर्दोष रहेको कांग्रेस पदाधिकारी बैठकको निष्कर्ष

सत्तारुढ दल नेपाली कांग्रेसले भिजिट भिसा प्रकरणमा गृहमन्त्री रमेश लेखक निर्दोष रहेको निष्कर्ष निकालेको छ। आज सभापति शेरबहादुर देउवा निवास बुढानिलकण्ठमा बसेको पदाधिकारी बैठकपछि प्रवक्ता डा. प्रकाशशरण महतले बताए। बैठकले अध्यागमनमा भइरहेको भिजिट भिसा प्रकरणमा गृहमन्त्रीको संलग्नता कतैबाट पुष्टि नहुने भएकोले एउटा कर्मचारीको गल्तीमा सामाजिक सञ्जालमा अफवाह फैलाइदैमा राजीनामा नै दिनुपर्ने स्थिति नरहेको निष्कर्ष निकालेको हो। बैठकमा गृहमन्त्री रमेश लेखकले उक्त प्रकरणबारे विस्तारमा आफ्नो कुरा राखेका थिए। लेखकको स्पष्टीकरणलाई पार्टीले पूर्ण रुपमा विश्वास गरेको प्रवक्ता महतले बताए। यस विषयमा गृहमन्त्रीले भोलिको संसद बैठकमा पनि स्पष्टीकरण दिने उनले बताए।

बिएल संवाददाता

बिएल संवाददाता - काठमाडौं

‘पुटिन पागल भइसके’, ट्रम्प भन्छन्, ‘उनले मान्छे मारिरहेका छन्’

‘मलाई लाग्छ पुटिन त अहिले पूर्णरुपमा पागल नै भइसकेका छन्। तर जेलेन्स्कीको बोलीले पनि झन परिस्थिति बिग्रिइरहेको छ’ उनले भनेका छन् ‘यो मेरो युद्ध होइन। मैले त यो घातक युद्धको आगोलाई निभाउने प्रयास गरिरहेको छु।’

बिएल संवाददाता

बिएल संवाददाता - काठमाडौं

तीनकुने घटनाः दुर्गा प्रसाईंविरुद्ध ज्यान मुद्दासहित ४ केस, धवल र रविन्द्रविरुद्ध…

गत चैत १५ गते काठमाडौंको तीनकुनेमा भएको राजावादीहरूको हिंसात्मक प्रदर्शनको घटनामा कमाण्डर दुर्गा प्रसाईंसहित ६१ जनाविरुद्ध मुद्दा दर्ता भएको छ। जसमध्ये ११ जनालाई आपराधिक उपद्रवमा मात्रै छुट्टै मुद्दा दायर गरिएको छ। प्रहरीले आन्दोलनका जनकमाण्डर प्रसाईंलाई कर्तव्य ज्यान, संगठित अपराध, राज्यविरुद्धको कसुर र आपराधिक उपद्रवसहितका मुद्दा दर्ता गराएको छ।

बिएल संवाददाता

बिएल संवाददाता - काठमाडौं

रमेश लेखसहित कांग्रेसका शीर्ष नेता लिएर बालुवाटार पुगे देउवा, के भयो छलफल

बालुवाटारमा सत्तारुढ दलका शीर्ष नेताहरूबीच छलफल भएको छ। प्रधानमन्त्री केपी शर्मा ओलीले सत्तारुढ दल नेपाली कांग्रेसका सभापतिसहितका नेताहरुसँग छलफल गरेका छन् । आइतबार अपराह्न प्रधानमन्त्री केपी शर्मा ओलीले सत्तारुढ दल नेपाली कांग्रेसका सभापति शेरबहादुर देउवासहितका नेताहरूसँग छलफल गरेका हुन्। बैठकमा एमालेका तर्फबाट ओलीसहित वरिष्ठ उपाध्यक्ष ईश्वर पोखरेल, उपप्रधान एवम् अर्थमन्त्री विष्णु पौडेल कृषिमन्त्री रामनाथ अधिकारी थिए। कांग्रेसका तर्फबाट सभापति देउवासहित उपसभापति पूर्णबहादुर खड्का, गृहमन्त्री रमेश लेखक र परराष्ट्र मन्त्री डा. आरजू राणालगायत सहभागी थिए।

बिएल संवाददाता

बिएल संवाददाता - काठमाडौं

ट्रेन्डिङ