BreakNLinks

शनिबार, ०७ मार्च २०२६

समाचार

२५ करोड बोकेर चीन हिँडेका ड्राइभर भरिया मात्र, मालिक खोज्दै प्रहरी

प्रहरीले मंगलबार बिहान ट्रकसहित पक्राउ परेका सिन्धुपाल्चोक भोटेकोशी नगरपालिका-१ का ४३ वर्षीय ‘फुच्चे’ भनिने कुसाङ लामालाई पत्रकार सम्मेलनमार्फत सार्वजनिक गरेको हो। रकम बोकेर चीनको केरुङ जाँदै गरेको ट्रक र चालकलाई प्रहरीले टोखाको झोरबाट पक्राउ गरेको थियो। पक्राउ परेका लामा भरिया मात्र रहेको खुलेको काठमाडौं उपत्यका अपराध अनुसन्धान कार्यालयले जनाएको छ। उनी यसअघि नै ७ किलो सुन तस्करी प्रकरणमा पक्राउ परेर पाँच वर्ष जेल बसेर छुटेको खुलेको छ। प्रहरीले पुरानो र अहिलेको घटनालाई केन्द्रमा राखेर अनुसन्धान सुरु गरेको छ। प्रहरीको प्रारम्भिक अनुसन्धानबाट पक्राउ परेका लामा भरिया मात्र रहेको खुलेपछि मालिकको खोजीमा केन्द्रीत हुने काठमाडौं उपत्यका अपराध अनुसन्धान कार्यालयले जनाएको छ।

बिएल संवाददाता

बिएल संवाददाता - काठमाडौं

२५ करोडसहित समातिएका लामा यसअघि नै सुन तस्करीमा जेल परेर छुटेको खुलासा

काठमाडौंको टोखा झोर क्षेत्रबाट ट्रकमा लुकाएर राखिएको २५ करोड रुपैयाँ बराबरको युरो र अमेरिकन डलरसहित पक्राउ परेका व्यक्ति यसअघि नै सुन तस्करीमा जेल परेर छुटेको खुलेको छ। मंगलबार बिहान ना७ख १६५२ नम्बरको ट्रकमा ठूलो परिमाणको अवैध रकमसहित समातिएका व्यक्ति सिन्धुपाल्चोकका ३९ वर्षीय कुसान लामा रहेको खुलेको छ। ट्रकमा फल्स बटम बनाएर लुकाइ राखेको रकमसहित उक्त ट्रक केरुङतर्फ जाँदै थियो। प्रहरी स्रोतका अनुसार उनी यसअघि सुन तस्करी प्रकरणमा ७ किलो सुनसहित कलंकीबाट समातिएर २०७८ मा छुटेका थिए। प्रहरीले आजै दिउँसो लामाको पक्राउबारे पत्रकार सम्मेलन गर्दैछ।

बिएल संवाददाता

बिएल संवाददाता - काठमाडौं

आइजिपीको फूली लगाएपछि थापाले भने ‘प्रहरी सुधार्न साइत कुरेर बस्दिनँ’

‘प्रहरी कस्तो छ भनेर हामीले लुकाउनुपर्ने केही छैन। ती पक्ष लुकाएर वा दबाएर प्रहरीमा सुधार हुन्छ भन्नेतर्फ म विश्वास पनि गर्दिनँ’ उनले भनेका छन् ‘प्रहरीभित्र सुधार ल्याउन साइत कुरेर बस्न पनि जरूरी छैन। सुधारको प्रारम्भ कोही र कसैबाट होइन म भित्रैबाट नै आवश्यक छ भन्ने स्वीकार गरी अघि बढ्नुको विकल्प छैन।’

बिएल संवाददाता

बिएल संवाददाता - काठमाडौं

त्रिचन्द्रको मुलगेटमा तालैताला, स्ववियु निर्वाचन अनिश्चित

क्याम्पसमा तालाबन्दी भएपछि त्रिचन्द्र बहुमुखी क्याम्पसको स्वतन्त्र विद्यार्थी युनियन (स्ववियु) निर्वाचन स्थगित भएको छ। देशकै पुरानो यो क्याम्पस राजनीतिक नेताहरू उत्पादनको थलो पनि मानिन्छ र त्रिभुवन विश्वविद्यालयअन्तर्गतको यो एक प्रमुख क्याम्पस पनि हो

बिएल संवाददाता

बिएल संवाददाता - काठमाडौं

युद्धबिराम सकियो- इजरायलले सुरु गर्‍यो हमासमाथि आक्रमण

गत जनवरी १९ मा भएको युद्धबिराम यता इजरायले गरेको यो सबैभन्दा ठूलो आक्रमण हो। पहिलो चरणको युद्धबिराम मार्च १ मा समाप्त भएको थियो। र दोस्रो चरणको युद्धबिरामको प्रयास भइरहँदा इजरायलले हमास नियन्त्रित गाजा क्षेत्रमा आक्रमण गरेको हो।

बिएल संवाददाता

बिएल संवाददाता - काठमाडौं

युद्धबिरामबारे ट्रम्पले पुटिनसँग वार्ता गर्दै

यसअघि उनले आफ्ना दूतलाई रुस पठाएका थिए। उनीहरूले त्यहाँ रुसका अधिकारीहरूसँग वार्ता गरेका थिए। त्योभन्दा अघि अमेरिकी अधिकारी र युक्रेनका अधिकारीबीच साउदी अरबमा भएको वार्तामा युक्रेन ३० दिनका लागि युद्ध बिराम गर्न तयार भएको थियो।

बिएल संवाददाता

बिएल संवाददाता - काठमाडौं

देशभरि स्ववियु निर्वाचन, काठमाडौंकै मुख्य क्याम्पसमा अनिश्चित

हरेक दुई वर्षको अन्तरालमा हुनुपर्ने यस्तो निर्वाचन आन्तरिक विवादका कारण केही क्याम्पसमा भने १६ वर्षपछि मात्रै हुँदै छ । केही बाहेक त्रिविका आङ्गिक तथा सम्बन्धनप्राप्त क्याम्पसमा यसअघि २०७९ चैत ५ गते स्ववियु निर्वाचन भएको थियो । त्यसअघि भने २०६५ सालमा मात्रै निर्वाचन भएको थियो । देशभरि त्रिविको ६४ वटा अंगिक क्याम्पस र एक हजार ५३ वटा सम्बन्धन प्राप्त क्याम्पस छन् ।

बिएल संवाददाता

बिएल संवाददाता - काठमाडौं

नेपाल प्रहरीको ३१औं आईजीपीमा दीपक थापा नियुक्त

सोमबार बसेको मन्त्रिपरिषद्‌को बैठकले एआईजी थापालाई नेपाल प्रहरीको ३१औं महानिरीक्षकमा नियुक्त गरेको हो। थापासँगै प्रहरी महानिरीक्षकमा एआईजीहरू सुदीप गिरी र टेकबहादुर तामाङ प्रतिस्पर्धामा थिए। प्रहरी महानिरीक्षक नियुक्तिमा ज्येष्ठता, कार्यकुशलता, कार्यक्षमतालाई आधार मान्ने नियमावलीमा व्यवस्था छ। जसअनुसार एआईजी दीपक थापा महानिरीक्षकमा नियुक्त भएका हुन्। उनले आफ्नो कार्यकालमा हालसम्म काठमाडौं उपत्यका, जिल्ला, विभागको सफलतापूर्वक जिम्मेवारी पुरा गरेका छन्।  हालसम्म कुनै विवादमा नआएका उनको बढुवाले देशको सुरक्षा र प्रहरी संगठनको विकासका लागि सरकारलाई नै सहयोग हुने विश्वास गरिएको छ।

बिएल संवाददाता

बिएल संवाददाता - काठमाडौं

ओलीको नियुक्ति खाएकाहरू राजावादी मोर्चामा

बैठकले राप्रपाका वरिष्ठ नेता नवराज सुवेदीको संयोजकतामा ११ सदस्य राष्ट्रिय आन्दोलन निर्देशन समिति गठन गरेको छ। तर, समितिमा प्रमुख राजावादी दल राप्रपाकै अध्यक्ष राजेन्द्र लिङदेनको घोर अपमान गरिएको छ। ११ सदस्यीय समितिमा लिङदेनलाई वर्णानुक्रममा १० नम्बरमा राखिएको छ। यतिसम्म कि कमल थापा, दूर्गा प्रसाईं, रविन्द्र मिश्रलाई समेत उनीभन्दा माथि राखिएको छ। राप्रपाले समितिप्रति असन्तुष्टि जनाएको छ। यता राप्रपाका शीर्ष नेताहरू उपेक्षामा पर्दा राजतन्त्र पुनःस्थापना आन्दोलनमा एमालेका नियुक्ति खाएका नेताहरू समेत समावेश भएका छन्।

बिएल संवाददाता

बिएल संवाददाता - काठमाडौं

माओवादी सरकारमा जाँदैन, देशमा ‘संकट आयो’ भने विचार गर्छौंः प्रचण्ड

उनले सरकार भ्रष्टाचारलाई जोगाउने पक्षमा र आफूहरु नियन्त्रण गर्ने पक्षमा रहेकाले बिमति भएको भन्दै सरकरसँग कुनै मिलन विन्दु नरहेको बताए। उनले भने, ‘आजभोलि चर्चा आइरहेको छ। कांग्रेस, एमाले र माओवादी मिलेर सरकार बनाउने भए रे भनेर चर्चा सामाजिक सञ्जालमा भइरहेको छ। हामी अहिले सरकारमा जाने कुनै नीति लिएको छैनौं, लिँदैनौं पनि। देशमा संकट आए विचार गर्छौं। तर यही सरकारमा गएर सामेल हुने कुनै नीति छैन। त्यस्तो औपचारिक रुपमा कुरा पनि कसैसँग भएको छैन। भ्रष्टाचारलाई जोगाउने सरकार र हामीबीच सुरुमा नै ठूलो बिमती भएको छ। भ्रष्टाचार नियन्त्रण गर्ने कि बचाउने हामी रोक्नपर्छ भन्ने पक्षपातीमा भयौं। अहिलेको सरकार बचाउने पक्षमा भएकाले मिलन विन्दु हामीले देखेका छैनौ।’

बिएल संवाददाता

बिएल संवाददाता - काठमाडौं

राजावादीविरुद्ध नेकपा एसले एक लाख जनता उतार्ने

नेकपा एकीकृत समाजवादीले राजावादीहरू विरुद्ध चैत १५ गते आयोजना गर्ने जनविरोधमा एक लाखभन्दा बढी जनता उतार्ने दाबी गरेको छ। सोमबार स्थायी कमिटीको बैठकपछि सञ्चारकर्मीहरूसँग कुरा गर्दै उपाध्यक्ष जगन्नाथ खतिवडाले जनता राजावादीहरूसँग नभइ गणतन्त्रकै पक्षमा छन् भन्ने प्रमाणित गर्न विरोधसभा गर्न लागेको जानकारी दिए। उनले भने, ‘चैत १५ गते नेकपा एसले एउटा जनप्रदर्शनको आयोजना गर्दैछ। त्यसलाई भव्य र सफल बनाउन समाजवादीको तर्फबाट अधिकतम प्रयास गर्ने विषयमा छलफल भयो। राजावादीहरूले गरेको गतिविधिहरूलाई खण्डन गर्ने र जनता गणतन्त्रवादीसँगै छन्, नाटकीय ढंगले प्रचार गर्दैमा जनता राजावादी हुँदैनन भन्ने देखाउनको लागि र जनताको आकांक्षा सडकमा प्रर्दशन गर्ने हाम्रो पहिलो प्रयास हो। लाखभन्दा माथि नै जानुपर्छ भन्ने तरिकाले कोशिस गर्नेछौं।’

बिएल संवाददाता

बिएल संवाददाता - काठमाडौं

जनता ‘बरु एउटै राजा पालेको भए हुन्थ्यो’ भन्ने भ्रममा पर्ने डर बढ्योः माओवादी सांसद

नेकपा माओवादी केन्द्रकी सांसद उर्मिला अर्यालले जनतामा वर्तमान व्यवस्थाप्रति वितृष्णा बढ्दै गएको बताएकी छन्। राष्ट्रिय सभाको सोमबारको बैठकमा बोल्दै उनले राजनीतिक दलहरू कार्यकर्ता पाल्ने प्रवृत्तिबाट माथि उठ्न नसकेका कारण जनतामा एउटै राजा पालेको भए हुने रहेछ भन्ने भ्रम पर्ने डर देखिएको बताइन्। उनले भनिन्, ‘हामी बिग्रियौं, यस्तै हो भने जनता एउटै राजा पालेको भए हुन्थ्यो भन्ने भ्रममा पर्ने डर छ। म सबैलाई सचेत हुन अुनरोध गर्न चाहन्छु।’

बिएल संवाददाता

बिएल संवाददाता - काठमाडौं

भूमिसम्बन्धी अध्यादेश आउने सम्भावना अब समाप्त भयोः सांसद घिमिरे

नेपाली कांग्रेसका प्रमुख सचेतक श्याम घिमिरेले भूमिसम्बन्धी अध्यादेश अब अध्यादेशको रुपमा आउने सम्भावना समाप्त भएको बताएका छन्। सोमबार संसद भवन परिसरमा सञ्चारकर्मीहरूसँग कुराकानी गर्दै उनले त्यसलाई अब परिमार्जित गरेर सबैलाई स्वीकार हुनेगरी कानुनकै रुपमा अगाडि बढाउने बताए। उनले भने, ‘भूमिसम्बन्धी अध्यादेश अब अध्यादेशको रुपमा आउने अब समाप्त भइसकेको अवस्था छ। अब त्यसलाई कसरी हुन्छ परिमार्जित गरेर सबैलाई स्वीकार हुनेगरी कानुनकै रुपमा अगाडि बढाउने हो।’

बिएल संवाददाता

बिएल संवाददाता - काठमाडौं

राजा ल्याउने अभियानका नाइकेले छोडे राप्रपा

सोमबार राजावादी मोर्चाको भेलामा ८६ वर्षीय सुवेदी राप्रपा परित्याग गरेको घोषणा गरेका हुन्। उनले अब राजावादी मोर्चाको सर्वस्वीकार्य नेतृत्व बन्नका लागि आफूले अब पार्टीगत राजनीति त्यागेको घोषणा गरेको बताए। पूर्वराजा ज्ञानेन्द्र शाहका विश्वासपात्र सुवेदी राप्रपाका वरिष्ठ नेता एवं राष्ट्रिय पञ्चायतका पूर्वअध्यक्षसमेत हुन्। पूर्वराजको आह्वानमा राजसंस्था पुनर्स्थापनाको आन्दोलनका लागि नवराज सुवेदीको नेतृत्वमा मोर्चाबन्दीको तयारी भएको थियो। सुवेदीको नेतृत्वमा राजावादी आन्दोलनका लागि मोर्चा गठन भएपछि दुई राप्रपाका अध्यक्षहरूले असन्तुष्टि जनाएका थिए। राप्रपा अध्यक्ष राजेन्द्र लिङदेन र राप्रपा नेपालका अध्यक्ष कमल थापाले असन्तुष्टि जनाएका थिए।

बिएल संवाददाता

बिएल संवाददाता - काठमाडौं

मोटरसाइकलमा अगाडि बच्चा राख्दैमा दुर्घटना हुँदैनः सिताराम हाछेथु (भिडियोसहित)

ललितपुर महानगरपालिका नगर प्रहरी प्रमुख सिताराम हाछेथुले सरकारले परिमार्जन गर्न खोजेको सवारी ऐनमा कतिपय कुरा व्यवहारिक भएपनि कतिपय कुराहरू भने अव्यवहारिक रहेको बताएका छन्। उनले नियमहरू जनताले मान्ने हुनुपर्नेमा कतिपय नियमहरू सरकारले जबरजस्ती बनाउने गरेको भन्दै असन्तुष्टि जनाए।  बीएल मिडियासँगको कुराकानीमा उनले भने, ‘नियम भनेको जनताले मान्ने किसिमको हुनुपर्छ। अनिमात्र सबै जनताले मान्छन्। नियम बनाउने मान्छे कुर्सीमा बसेको हुन्छ। अव्यवहारिक नियम बनाइदिन्छन्। यता नियम पालना गराउने ट्राफिक प्रहरी र जनताबीच द्वन्द्व हुन्छ।’ उनले बालबालिकाहरूलाई मोटरसाइकलको अगाडि राखेर चलाउन नपाइने भन्ने नियम अव्यवहारिक रहेको दाबी गरेका छन्। उनले अगाडि राख्न नमिल्ने बालबालिकाको उमेर तोकिदिए व्यवहारिक हुने सुझावसमेत दिएका छन्।

बिएल संवाददाता

बिएल संवाददाता - काठमाडौं

सांसद घिमिरेलाई चुनौती- यौन व्यवसायलाई आफ्नै परिवारबाट मान्यता दिन आँट गर्नुहुन्छ?

नेकपा माओवादी केन्द्रकी सांसद दुर्गा राईले नेपाली कांग्रेसका प्रमुख सचेतक श्याम घिमिरेले यौैन व्यवसायलाई कानुनी मान्यता दिनुपर्ने भनेर संसदमा राखेको अभिव्यक्तिमाथि आपत्ति जनाएकी छन्। सोमबार बसेको प्रतिनिधिसभाको बैठकमा शून्य समयमा बोल्दै उनले यस्तो अभिव्यक्तिले समाजलाई अराजकतातिर पुर्‍याउने भन्दै उक्त भनाइलाई रेकर्डबाट हटाउनको लागि रुलिङको माग गरिन्। उनले भनिन्, ‘हिजो सत्ता पक्षका माननीयज्यूले यौैन व्यवसायलाई कानुन बनाइ मान्यता दिएर पर्यटकलाई आकर्षणगरी अर्थोपार्जन गरौं भन्ने कुरा दोस्रोपटक यस संसदमा उठाउनु आपत्तिजनक कुरा हो। यस्तो चिन्तनको घोर भत्सर्ना गर्छु। यस्तो विचारले अनुशासित र मर्यादित रुपमा रहेको समाजलाई अराजकतातिर पुर्‍याउँछ। त्यसैले यो भनाइलाई रेकर्डबाट हटाउनको लागि रुलिङको माग गर्छु।’

बिएल संवाददाता

बिएल संवाददाता - काठमाडौं

माओवादीकी समानुपातिक सांसद भन्छिन्- ज्ञानेन्द्र शाहीलाई निःशुल्क इतिहास पढाउँछु

सांसद ल्हामुले आइतबार एमाले सांसद रघुजी पन्तले एउटा इतिहास पढाइदिएको र शाहीलाई अझै इतिहास जान्न मन भए आफूले पनि थप इतिहास पढाइदिन तयार रहेको टिप्पणी गरेकी हुन्। उनले भनेकी छन्, ‘विरेन्द्रको परिवार मारिए लगत्तै हत्त न पत्त श्रीपेच खोसेर लगाएका ज्ञानेन्द्र त नक्कली राजा हुन्। शाहवंशको इतिहासले त्यहि भन्छ। राजावादीले आफ्नै राजामाथि विभेद गर्ने। नजाने इतिहास पढ्न आउनुहोस्। म तपाईंलाई नरभूपालदेखि पारससम्मको इतिहास निःशुल्क पढाइदिन्छु। यो तपाईँको लागि आवश्यक छ। तपाई मेरै जिल्लाको भाई भएकाले यो अफर दिएको नत्र अन्य राजावादीलाई शुल्क लाग्छ।’ त्यस्तै उनले सांसद शाही अन्धकारमा रहेको र उल्टो खोलो फर्काउन हिँडेको टिप्पणी गरेकी छन्। उनी भन्छिन्, ‘हाम्रा जुम्लाका माननीय ज्ञानबहादुरले सुख्खा खोलो बोक्नु कति अज्ञानी बन्नु भएको हँ?’

बिएल संवाददाता

बिएल संवाददाता - काठमाडौं

रघुजीले ज्ञानबहादुर शाहीलाई भनेको ‘तपाईं मिस्टर’ शब्द रेकर्डबाट हटाउन माग

राप्रपा सांसद दिपकबहादुर सिंहले सांसद ज्ञानबहादुर शाहीमाथि एमाले सांसद रघुजी पन्तले अपशब्द बोलेको भन्दै आपत्ति जनाएका छन्। सोमबार प्रतिनिधिसभा बैठकमा बोल्दै सिंहले सांसद पन्तले शाहीमाथि मिस्टर, तपाईं, तिमीजस्ता शब्द प्रयोग गरेको भन्दै सचेत गराउन माग गरेका हुन्। सांसद सिंहले शाहीमाथि अपशब्द बोलेर मानहानी गरेको भन्दै एमाले सांसदको अभिव्यक्ति संसदको रेकर्डबाट हटाउन पनि माग गरे।

बिएल संवाददाता

बिएल संवाददाता - काठमाडौं

नयाँ आईजीपीबारे निर्णय गर्न ओलीले बोलाए मन्त्रिपरिषद बैठक

प्रधानमन्त्री केपी शर्मा ओलीले मन्त्रिपरिषद् बैठक बोलाएका छन्। बैठक अपराह्न ४ बजे प्रधानमन्त्रीको सरकारी निवास बालुवाटारमा बस्नेछ। आजको बैठकले नेपाल प्रहरीमा आज रातिबाट रिक्त हुने प्रहरी महानिरीक्षक (आईजीपी) नियुक्ति गर्ने सम्भावना रहेको छ। नेपाल प्रहरीको नेतृत्व सम्हालिरहेका प्रहरी महानिरीक्षक बसन्तबहादुर कुँवरले आजदेखि अनिवार्य अवकाश पाउँदैछन्।

बिएल संवाददाता

बिएल संवाददाता - काठमाडौं

अमेरिकाले पठायो सयौं आप्रवासीलाई सल्भाडोरको जेल

हालैमात्र ट्रम्पले साल्भाडोरसँग अपराधि राख्ने जेलका लागि सम्झौता गरेका थिए। यो विश्वकै एक अनौठो सम्झौता हो जसले एक अर्को देशमा कैदीहरू राख्ने बाटो खुलाइ दिएको छ। त्यो एक प्रकारले अमेरिकाले जेल भाडामा लिएजस्तै हो। यो जेलमा आफूले कैदी राखेवाफत अमेरिकाले साल्भाडोरलाई लाखौं डलर तिर्नुपर्छ।

बिएल संवाददाता

बिएल संवाददाता - काठमाडौं

ट्रेन्डिङ