दुई तिहाइ हुँदा पनि ओली सरकार डरले ‘रुझेको बिरालो’ भएको छः प्रचण्ड
नेकपा (माओवादी केन्द्र)का अध्यक्ष पुष्पकमल दाहाल प्रचण्डले आफ्नो पार्टी सरकार ढाल्ने र बनाउने खेलमा नरहेको स्पष्ट पारेका छन्। पाँचथरको फिदिममा आयोजित सभालाई सम्बोधन गर्दै प्रचण्डले कांग्रेस र एमालेजस्ता बुर्जुवाहरूको वैशाखी टेकेर सरकारमा नजाने दाबी गरे। उनले ०८४ पछि आफ्नै बलबुतामा सरकारको नेतृत्व लिने बताए। प्रचण्डले वर्तमान सरकार बिचौलियाहरूले बनाइदिएको आरोप लगाउँदै आफ्नो कुकर्मले सरकार ढल्ने जिकीर गरे। उनले अहिलेको सरकारले नराम्रो भन्दा कुनै काम नगरेको दाबी गर्दै दुई तिहाइको सरकार भएर पनि डरले रुझेको बिरालो जस्तो बनेको टिप्पणी गरे।
बिएल संवाददाता - पाँचथर
